ഗുവാഹാട്ടി: പിടിച്ചെടുത്ത 173 കോടി രൂപയുടെ ലഹരി ഉത്പന്നങ്ങള്ക്ക് മീതെ ബുള്ഡോസര് കയറ്റി ഇറക്കി ആസാം മുഖ്യമന്ത്രി ഹിമന്ദ ബിശ്വ ശര്മ. പിന്നാലെ ഉത്പനങ്ങള് കൂട്ടിയിട്ട് തീവെച്ചു നശിപ്പിക്കുകയും ചെയ്തു. അധികാരമേറ്റത് മുതല് മയക്ക് മരുന്നിനും വ്യാജ മദ്യത്തിനും എതിരായ പോരാട്ടത്തിലാണ് അദ്ദേഹം.
The Last Rites of Drugs in Assam!
In 'seized drugs disposal' program at Hojai today, 353.62 grams heroin, 736.73 kg ganja and 45,843 tablets have been destroyed.
MLAs @SibuMisra, @RKGhoshBJP, Sirajuddin Ajmal, Ex MLA Shiladitya Deb and @DGPAssamPolice were present. 1/3 pic.twitter.com/Kb8Da1e1XV
— Himanta Biswa Sarma (@himantabiswa) July 18, 2021
സംസ്ഥാന സര്ക്കാരിന്റെ ലഹരി വിരുദ്ധ പ്രചാരണത്തിന്റെ ഭാഗമായി പിടിച്ചെടുത്ത കോടിക്കണക്കിന് രൂപയുടെ ലഹരി ഉത്പന്നങ്ങളാണ് മുഖ്യമന്ത്രിയുടെ നേതൃത്വത്തില് നശിപ്പിച്ചത്. കഴിഞ്ഞ ദിവസം രണ്ടിടങ്ങളിലായി മയക്ക് മരുന്നുകള് കൂട്ടിയിട്ട് കത്തിച്ച അസം മുഖ്യമന്ത്രി നാഗോണിലാണ് ബുള്ഡോസര് ഓടിച്ച് മദ്യകുപ്പികളക്കം നശിപ്പിച്ചത്.
#WATCH | Assam Chief Minister Himanta Biswa Sarma drives a bulldozer during a programme on 'Seized Drugs Disposal' in Nagaon. pic.twitter.com/3iNc3Ud3BY
— ANI (@ANI) July 18, 2021
ഹിമന്ദ ബിശ്വ ശര്മ അധികാരമേറ്റ്, കഴിഞ്ഞ രണ്ട് മാസത്തിനിടെ നടത്തിയ പരിശോധനയിലാണ് കോടികളുടെ ഉത്പന്നങ്ങള് പിടിച്ചെടുത്തത്. 900 ഓളം കേസുകളാണ് ഈ രണ്ടുമാസകാലത്ത് രജിസ്റ്റര് ചെയ്തിട്ടുള്ളത്. 1500 ഓളം പേര് അറസ്റ്റിലാകുകയും ചെയ്തിട്ടുണ്ട്. മയക്കുമരുന്ന് കടത്തുകാരേയും വില്പനക്കാരേയും നേരിടാന് പോലീസിന് സമ്പൂര്ണ്ണ പ്രവര്ത്തന സ്വാതന്ത്ര്യമാണ് നല്കിയിരിക്കുന്നതെന്നാണ് അസം മുഖ്യന്ത്രി പറഞ്ഞത്. സമൂഹത്തില് മയക്കുമരുന്ന് ഇല്ലാതാക്കാന് ഏതറ്റംവരേയും പോകുമെന്നും അദ്ദേഹം അറിയിച്ചു.