ലഖ്നൗ: ഉന്നാവോ ബലാത്സംഗക്കേസിലെ പരാതിക്കാരിയും കുടുംബവും സഞ്ചരിച്ച കാറില് ട്രക്കിടിച്ചുണ്ടായ അപകടത്തില് യുപി സര്ക്കാര് സിബിഐ അന്വേഷണത്തിന് ശുപാര്ശ ചെയ്തു. അപകടവുമായി ബന്ധപ്പെട്ട കേസ് സിബിഐ അന്വേഷിക്കണമെന്ന് ആവശ്യപ്പെട്ട് യുപി സര്ക്കാര് കേന്ദ്രത്തിന് കത്തയച്ചു.
അതേസമയം, ബലാത്സംഗക്കേസില് പ്രതിയായ എംഎല്എ കുല്ദീപ് സിംഗ് ഭീഷണിപ്പെടുത്തിയെന്ന് പെണ്കുട്ടിയുടെ ബന്ധു ആരോപിച്ചു. സര്ക്കാരില് നിന്ന് നീതി കിട്ടുമെന്ന് പ്രതീക്ഷയില്ലെന്നും പെണ്കുട്ടിയുടെ സഹോദരനെ അപായപ്പെടുത്തുമോയെന്ന് ഭയമുണ്ടെന്നും പെണ്കുട്ടിയുടെ ബന്ധു പറഞ്ഞു.
വാഹനാപകടത്തില് ഗുരുതരമായി പരിക്കേറ്റ പെണ്കുട്ടിയുടെ ആരോഗ്യനില അതീവ ഗുരുതരമായി തുടരുകയാണ്. വെന്റിലേറ്ററിന്റെ സഹായത്തോടെയാണ് പെണ്കുട്ടിയുടെ ജീവന് നിലനിര്ത്തുന്നത്. പെണ്കുട്ടിയുടെ കൂടെ സഞ്ചരിച്ചിരുന്ന അഭിഭാഷകനും ചികിത്സയിലാണ്.