ചെന്നൈ: ലോക്സഭാ തിരഞ്ഞെടുപ്പില് ചെന്നൈ സെന്ഡ്രലിന് പുറമേ പ്രധാനമന്ത്രി നരേന്ദ്ര മോഡിക്കെതിരെ വാരണാസിയിലും മത്സരിക്കുമെന്ന് റിട്ട. ജസ്റ്റിസ് സിഎസ് കര്ണന്. നരേന്ദ്ര മോഡി ഭരണം തികഞ്ഞ പരാജയമാണെന്നും അതുകൊണ്ടാണ് പുതിയ പാര്ട്ടി രൂപീകരിച്ച് മോഡിക്കെതിരെ മത്സരിക്കുതെന്നും കര്ണ്ണന് പറഞ്ഞു. ജസ്റ്റിസ് കര്ണ്ണന് തന്നെ രൂപീകരിച്ച ആന്റി കറപ്ഷന് ഡൈനാമിക് പാര്ട്ടിയുടെ സ്ഥാനാര്ത്ഥിയായാണ് അദ്ദേഹം മത്സരിക്കുന്നത്.
ദക്ഷിണേന്ത്യയിലെയും ഉത്തരേന്ത്യയിലേയും മുപ്പത്തിയഞ്ച് മണ്ഡലങ്ങളില് ആന്റി കറപ്ഷന് ഡൈനാമിക് പാര്ട്ടിയുടെ സ്ഥാനാര്ത്ഥികള് ജനവിധി തേടും. ജസ്റ്റിസ് കര്ണ്ണന്റെ പാര്ട്ടിക്ക് ദേശീയ പാര്ട്ടി പദവി ലഭിച്ചിട്ടുണ്ട്.
ഭരണത്തിലേയും നീതിന്യായ സംവിധാനത്തിലേയും അഴിമതി തുടച്ച് നീക്കുകയാണ് തന്റെ ലക്ഷ്യമെന്നും സര്ക്കാരും നിയമസംവിധാനങ്ങളും തമ്മില് അവിശുദ്ധ കൂട്ടുകെട്ടാണ് നിലനില്ക്കുന്നതെന്നും അദ്ദേഹം ആരോപിച്ചു. മാത്രമല്ല അഴിമതിക്കെതിരെ ഇപ്പോള് സംസാരിക്കുന്ന രാഹുല്ഗാന്ധിയും തനിക്ക് വേണ്ടി സംസാരിച്ചിട്ടില്ലെന്ന് അദ്ദേഹത്തിന് പരാതിയുണ്ട്. അതുകൊണ്ടാണ് ഇനിയുള്ള പോരാട്ടം തെരഞ്ഞെടുപ്പ് ഗോദയിലാകാമെന്ന് തീരുമാനിച്ചതെന്നും ജസ്റ്റിസ് കര്ണ്ണന് പറഞ്ഞു.
സുപ്രീം കോടതിയിലേയും ഹൈക്കോടതിയിലേയും ന്യായാധിപര്ക്കെതിരെ അഴിമതി ആരോപണം ഉന്നയിച്ചതിന് കോടതിയലക്ഷ്യക്കേസില് ആറ് മാസം ജയില് ശിക്ഷ അനുഭവിച്ച ന്യായാധിപനാണ് ജസ്റ്റിസ് കര്ണ്ണന്.