ലക്നൗ: കര്ഷകര്ക്ക് ആറായിരം രൂപ കൈമാറുന്ന പ്രധാന്മന്ത്രി കിസാന് സമ്മാന് നിധി പദ്ധതിയുടെ ഉദ്ഘാടനം പ്രധാനമന്ത്രി നരേന്ദ്ര മോഡി നിര്വഹിച്ചു. തെരഞ്ഞെടുക്കപ്പെട്ട കര്ഷകര്ക്ക് ആദ്യ ഗഡുവായ രണ്ടായിരം രൂപ അക്കൗണ്ടിലേക്ക് കൈമാറിക്കൊണ്ടാണ് ഉദ്ഘാടനം നടത്തിയത്. ഉത്തര്പ്രദേശിലെ ഖൊരക്പൂരില് നടന്ന ചടങ്ങില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥും പങ്കെടുത്തിരുന്നു.
ചെറുകിട നാമമാത്ര കര്ഷകര്ക്കായി നിലവില് വന്ന കേന്ദ്രാവിഷ്കൃത പദ്ധതിയാണ് പ്രധാനമന്ത്രി കിസാന് സമ്മാന് നിധി. രണ്ട് ഹെക്ടറില് കവിയാത്ത കൃഷിഭൂമിയുളള കുടുംബത്തിന് ആനുകൂല്യത്തിന് അര്ഹരാണ്. സ്വന്തം കൃഷിസ്ഥലം സ്ഥിതി ചെയ്യുന്ന കൃഷി ഭവനിലാണ് അപേക്ഷ നല്കേണ്ടത്. പദ്ധതി പ്രകാരമുളള ആനുകൂല്യങ്ങള് ഗുണഭോക്താവിന്റെ ബാങ്ക് അക്കൗണ്ടിലേക്ക് നേരിട്ടെത്തും.
പദ്ധതിയിലേക്ക് നിശ്ചിത സമയപരിധിക്കുളളില് അപേക്ഷിക്കുന്നവര്ക്ക് അഞ്ച് ദിവസത്തിനകം തുക ബാങ്ക് അക്കൗണ്ടിലെത്തും. എന്നാല്, സ്വന്തമായ സ്ഥാപനത്തോടനുബന്ധിച്ചുളള വസ്തു ഉടമകള്ക്ക് ആനൂകൂല്യം ലഭിക്കില്ല.