മുംബൈ: മാധ്യമപ്രവര്ത്തകനെ ആക്രമിച്ച കേസില് നാല് പേരെ അറസ്റ്റ് ചെയ്തു. സൗത്ത് മുംബൈയിലെ വീടിന് സമീപത്ത് വച്ചാണ് ടെലിവിഷന് ജേണലിസ്റ്റായ ഹെര്മന് ഗോമസ് ആക്രമിക്കപ്പെട്ടത്. ഞായറാഴ്ച്ച പുലര്ച്ചെ ഒന്നരയ്ക്കായിരുന്നു സംഭവം.
സുഹൃത്തുമൊത്ത് ടാക്സിയില് വരുകയായിരുന്ന ഹെര്മനെ വീടിന് മുന്നില് കാത്തുനിന്ന സംഘം ക്രൂരമായി മര്ദ്ദിക്കുകയായിരുന്നു. സംഭവത്തില് ഹെര്മന് നല്കിയ പരാതിയെ തുടര്ന്നാണ് പോലീസ് പ്രതികളെ പിടികൂടിയത്. അതേസമയം, തനിക്ക് മുന്കൂട്ടി പദ്ധതിയിട്ടാണ് തനിക്കുനേരെ ആക്രമണം അഴിച്ചു വിട്ടതെന്ന് ഹെര്മന് ഗോമസ് പറഞ്ഞു.
ആക്രമണത്തിന് പിന്നിലെ കാരണം വ്യക്തമല്ല. സംഭവത്തില് ജേര്ണലിസ്റ്റ് അസോസിയേഷന് അപലപിച്ചു. ഹെര്മന്റെ പരാതിയില് പോലീസ് വേണ്ട ഗൗരവം നല്കുന്നില്ലെന്നും ഇവര് ആരോപിച്ചു. പരാതി റജിസ്റ്റര് ചെയ്യാന് വൈകിയ പോലീസ് ഉദ്യോഗസ്ഥര്ക്കെതിരെ നടപടിയെടുക്കണമെന്ന് മുഖ്യമന്ത്രി ദേവേന്ദ്ര ഫട്നവിസ് നിര്ദ്ദേശിച്ചു.