തിരുവനന്തപുരം: കേരളത്തില് അടുത്ത മൂന്നുദിവസം പരക്കെ അതിശക്തമായ മഴയ്ക്ക് സാധ്യതയെന്ന് മുന്നറിയിപ്പ്. ഈ സാഹചര്യം കണക്കിലെടുത്ത് ഇന്ന് നാലു ജില്ലകളില് ഓറഞ്ച് അലര്ട്ട് പുറപ്പെടുവിച്ചിട്ടുണ്ട്. മത്സ്യത്തൊഴിലാളികള്ക്ക് മുന്നറിയിപ്പു നല്കിയിട്ടുണ്ട്.
ഇടുക്കി, തൃശ്ശൂര്, മലപ്പുറം, കാസര്കോട് ജില്ലകളിലാണ് ഇന്ന് അതിശക്തമായ മഴ മുന്നറിയിപ്പുള്ളത്. എട്ട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, പാലക്കാട്, കോഴിക്കോട്, വയനാട്, കണ്ണൂര് ജില്ലകളിലാണ് യെല്ലോ അലര്ട്ടുള്ളത്.
also read: വീട്ടിലെ സ്വീകരണ മുറിയില് കഞ്ചാവ് ചെടി വളര്ത്തി, യുവാവ് പിടിയില്
തിരുവനന്തപുരം, കൊല്ലം ജില്ലകളില് മാത്രമാണ് നിലവില് മുന്നറിയിപ്പുകള് ഇല്ലാത്തത്. വടക്ക് കിഴക്കന് ബംഗാള് ഉള്കടലില് ചക്രവാതചുഴി നിലനില്ക്കുന്നതിന്റെ ഫലമായാണ് കേരളത്തില് മഴ കനക്കുന്നത്. ഓഗസ്റ്റ് 27 വരെ കേരളത്തില് വ്യാപകമായ മഴക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.
മലയോര മേഖലകളില് ഒറ്റപ്പെട്ട ശക്തമായ ഇടിയോടു കൂടിയ മഴക്ക് സാധ്യത ഉള്ളതിനാല് ജാഗ്രത പാലിക്കണം. കേരള തീരത്ത് 50 കിലോമീറ്റര് വേഗതയില് കാറ്റ് വീശാന് സാധ്യതയുള്ളതിനാല് ചൊവ്വാഴ്ചയും ബുധനാഴ്ചയും മത്സ്യബന്ധനത്തിന് പോകാന് പാടില്ലെന്നും കാലാവസ്ഥ വകുപ്പ് അറിയിച്ചു.