കേരളത്തിന്റെ കൊവിഡ് പ്രതിരോധ പ്രവര്ത്തനത്തില് മുഖ്യമന്ത്രി പിണറായി വിജയനെ പ്രശംസിച്ച് നടി ഐശ്വര്യ ലക്ഷ്മി. മുഖ്യമന്ത്രിയുടെ ഒരു ട്വീറ്റ് പങ്കുവച്ചായിരുന്നു താരത്തിന്റെ പരാമര്ശം.
‘എനിക്ക് മുഖ്യമന്ത്രിയെ ഇഷ്ടമാണ്. പ്രത്യേകിച്ച് എനിക്ക് രാഷ്ട്രീയാഭിമുഖ്യമില്ല. നമ്മുടെ സംസ്ഥാനത്ത് താങ്കള് ചെയ്യുന്ന കാര്യങ്ങള് മികച്ചതാണ്. എന്ന് അവസാനിക്കുമെന്ന് അറിയാത്ത ഈ ദുരിതകാലത്ത് താങ്കള് ചെയ്യുന്ന കാര്യങ്ങള് പ്രതീക്ഷയുടെ വെട്ടം നല്കുന്നു’ എന്ന് ഐശ്വര്യ ട്വിറ്ററില് കുറിച്ചു.
ഐശ്വര്യ ലക്ഷ്മിയ്ക്കും ഈയിടെ കൊവിഡ് സ്ഥിരീകരിച്ചിരുന്നു. ഐശ്വര്യ തന്നെയാണ് ഈ വിവരം സമൂഹമാധ്യമങ്ങളിലൂടെ പങ്കുവച്ചത്. ഫലം നെഗറ്റീവ് ആയതിന് ശേഷം ക്വാറന്റൈനില് തുടരുകയാണ്.