ദോഹ: മലയാളി യുവതിക്ക് ഖത്തറില് വാഹനാപകടത്തില് ദാരുണാന്ത്യം. കൊല്ലം നെടുവത്തൂര് സ്വദേശി ചിപ്പി വര്ഗീസ് ആണ് മരിച്ചത്. ഇരുപത്തിയഞ്ച് വയസ്സായിരുന്നു. സന്ദര്ശക വിസയില് ഖത്തറിലെത്തിയതായിരുന്നു ചിപ്പി. ചൊവ്വാഴ്ച രാത്രിയാണ് അപകടം സംഭവിച്ചത്.
വുകൈര് ഭാഗത്തുണ്ടായ വാഹനാപകടത്തിലായിരുന്നു അന്ത്യം. കൊല്ലം നെടുവത്തൂര് അമ്പലത്തുംകലയിലെ സി.വി വില്ലയില് വര്ഗീസിന്റെയും ഷൈനിയുടെയും മകളാണ് ചിപ്പി.
also read: അല്ഫാം കഴിക്കാന് മോഹം; സ്കൂളില് പോകാതെ കറങ്ങാനിറങ്ങി പെണ്കുട്ടികള്, പോലീസ് പിടിയില്
ആഴ്ചകള്ക്ക് മുമ്പാണ് മൂന്ന് മാസം പ്രായമുള്ള മകന് ലൂക്കിനൊപ്പം ഖത്തറില് ജോലി ചെയ്യുന്ന ഭര്ത്താവ് ജെറിന് ജോണ്സന്റെ അടുത്തെത്തിയത്.
ചൊവ്വാഴ്ച രാത്രി ഭര്ത്താവിനും മകനുമൊപ്പം കാറില് യാത്ര ചെയ്യവെയുണ്ടായ വാഹനാപകടത്തിലായിരുന്നു അന്ത്യം. പരിക്കേറ്റ ഭര്ത്താവും മകനും ഹമദ് ആശുപത്രിയില് ചികിത്സയിലാണ്. ചിപ്പി വര്ഗീസിന്റെ മൃതദേഹം വക്റയിലെ ഹമദ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നാട്ടിലേക്ക് എത്തിക്കും.