കൊച്ചി: സെക്കന്ദരാബാദില് നിന്നും പുറപ്പെട്ട ശബരി എക്സ്പ്രസ് ട്രെയിനില് യാത്രക്കാരന് തൂങ്ങിമരിച്ച നിലയില്. ചൊവ്വാഴ്ച രാവിലെ 11.30 യോടെയാണ് മൃതദേഹം കണ്ടെത്തിയത്.
സെക്കന്ദരാബാദില് നിന്ന് തിരുവനന്തപുരത്തേക്കുള്ള ട്രെയിന് എറണാകുളം നോര്ത്ത് സ്റ്റേഷനില് നിര്ത്തിയപ്പോഴാണ് യാത്രക്കാരനെ മരിച്ച നിലയില് കണ്ടെത്തിയത്. തുടര്ന്ന് അരമണിക്കൂറോളം ട്രെയിന് സ്റ്റേഷനില് പിടിച്ചിട്ടു.
ട്രെയിനിന്റെ ഏറ്റവും മുന്ഭാഗത്തുള്ള ഡിസേബിള്ഡ് കോച്ചിലാണ് മൃതദേഹം കണ്ടത്. ഇയാള്ക്ക് ഏകദേശം 50 വയസ് പ്രായം തോന്നിക്കുമെന്നാണ് റിപ്പോര്ട്ട്. ഓഗസ്റ്റ് 22ന് കോയമ്പത്തൂര്- ഷൊര്ണൂര് മെമു ട്രെയിനില് 60 കാരനായ യാത്രക്കാരനെ തൂങ്ങി മരിച്ച നിലയില് കണ്ടെത്തിയിരുന്നു. സേലം പാടിയപ്പൊടി സ്വദേശി രാജയെയാണ് ട്രെയിനിലെ ശുചിമുറിയിലാണ് തൂങ്ങിമരിച്ച നിലയില് കണ്ടെത്തിയിരുന്നത്.
(ആത്മഹത്യ ഒന്നിനും പരിഹാരമല്ല.. അതിജീവിക്കാന് ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക.. Toll free helpline number: 1056, മറ്റ് ഹെല്പ് ലൈന് നമ്ബറുകള്: പ്രതീക്ഷ (കൊച്ചി ) -048-42448830, മൈത്രി ( കൊച്ചി )- 0484-2540530, ആശ്ര (മുംബൈ )-022-27546669, സ്നേഹ (ചെന്നൈ ) -044-24640050, സുമൈത്രി -(ഡല്ഹി )- 011-23389090, കൂജ് (ഗോവ )- 0832- 2252525, റോഷ്നി (ഹൈദരാബാദ്) -040-66202000)