തിരുവനന്തപുരം: കേരളത്തില് ഇന്നും മഴയ്ക്ക് സാധ്യത. ഒറ്റപ്പെട്ടയിടങ്ങളില് കനത്ത മഴയ്ക്ക് സാധ്യതയെന്ന് കാലാവസ്ഥ വകുപ്പ് മുന്നറിയിപ്പ് നല്കി. ഇന്ന് ആറ് ജില്ലകളില് യെലോ അലേര്ട്ട് പ്രഖ്യാപിച്ചു. തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് യെലോ അലര്ട്ട് പ്രഖ്യാപിച്ചത്.
തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് ശനിയാഴ്ചയും മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് ഞായറാഴ്ചയും യെലോ അലേര്ട്ടുണ്ട്. തിങ്കളാഴ്ച കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിത്.
also read: ‘ഓണാശംസകള് മക്കളെ’, കേരളക്കരയ്ക്ക് ആശംസകളുമായി കാര്ത്തി
മഴ ശക്തമാകാന് കാരണം ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദവും കോമോറിന് തീരത്തെ ചക്രവാതച്ചുഴിയും, ശക്തമായ പടിഞ്ഞാറന് കാറ്റുമാണ്. ശക്തമായ മഴയുടെ പശ്ചാത്തലത്തില് മലയോര മേഖലയിലുള്ളവര് ജാഗ്രത തുടരണമെന്ന് അധികൃതര് അറിയിച്ചു.
ബംഗാള് ഉള്ക്കടലിലെ ന്യൂനമര്ദ്ദം നാളയോടെ കൂടുതല് ശക്തിപ്രാപിച്ചേക്കും. അതിശക്തമായ കാറ്റിന് സാധ്യതയുള്ളതിനാല് മത്സ്യതൊഴിലാളികള് കടലില് പോകരുതെന്ന നിര്ദേശവുമുണ്ട്.