തിരുവനന്തപുരം: കേരളത്തില് ഇന്ന് അതിതീവ്ര മഴയ്ക്ക് സാധ്യതയെന്ന് മുന്നറിയിപ്പ്. ഇന്നു മൂന്നു ജില്ലകളില് റെഡ് അലര്ട്ട് പുറപ്പെടുവിച്ചിട്ടുണ്ട്. വയനാട്, കണ്ണൂര്, കാസര്കോട് ജില്ലകളിലാണ് അതിതീവ്ര മഴ മുന്നറിയിപ്പുള്ളത്. ഒമ്പതു ജില്ലകളില് തീവ്ര മഴയായ ഓറഞ്ച് അലര്ട്ടും പുറപ്പെടുവിച്ചിട്ടുണ്ട്.
പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്ട്ട്. തിരുവോണത്തിന്റെ തലേന്നത്തെ ഉത്രാടപ്പാച്ചില് മഴയില് മുങ്ങുമെന്ന ആശങ്കയിലാണ് മലയാളികള്.
തിരുവനന്തപുരം, കൊല്ലം ജില്ലകളിലാണ് മഴ അലര്ട്ട് ഇല്ലാത്തത്.
also read: വയനാട്ടില് താമരക്കുളത്തില് വീണ് രണ്ടര വയസ്സുകാരി മരിച്ചു; നോവായി ഷഹദ ഫാത്തിമ
സെപ്റ്റംബര് 10 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരള ലക്ഷദ്വീപ് തീരങ്ങളില് സെപ്റ്റംബര് 09 വരെ മണിക്കൂറില് 40 മുതല് 50 കിലോമീറ്റര് വേഗതയില് കാറ്റിന് സാധ്യതയുണ്ട്.
also read: ബംഗാള് ഉള്ക്കടലില് ന്യൂനമര്ദം, പെരുമഴയ്ക്ക് സാധ്യത, റെഡ് അലേര്ട്ട്
കര്ണാടക തീരങ്ങളില് സെപ്റ്റംബര് 10 വരെ മണിക്കൂറില് 45 മുതല് 55 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത. അതിനാല് മത്സ്യബന്ധനത്തിനു പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.