തിരുവനന്തപുരം: കേരളത്തില് തിങ്കളാഴ്ച മുതല് ബുധനാഴ്ച വരെയുള്ള ദിവസങ്ങളില് ഒറ്റപ്പെട്ട സ്ഥലങ്ങളില് അതിശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉത്രാട ദിനമായ ഏഴാം തിയതി സംസ്ഥാനത്തെ പന്ത്രണ്ട് ജില്ലകളില് മഴ ജാഗ്രത പുറപ്പെടുവിച്ചിട്ടുണ്ട്.
ശക്തമായ മഴയുടെ സാധ്യത കണക്കിലെടുത്ത് തിരുവനന്തപുരം, കൊല്ലം ജില്ലകളിലൊഴികെയുള്ള ജില്ലകളിലാണ് ഉത്രാട ദിനത്തില് യെല്ലോ അലര്ട്ട് പ്രഖ്യാപിച്ചത്. ലക്ഷദ്വീപിനും തെക്കു കിഴക്കന് അറബിക്കടലിനും സമീപമായി ചക്രവാതചുഴി നിലനില്ക്കുന്നുണ്ട്.
also read: 200 കോടിയുടെ സാമ്പത്തിക തട്ടിപ്പ് കേസില് ബോളിവുഡ് നടി നോറ ഫത്തേഹിയെ പോലീസ് ചോദ്യം ചെയ്തു
ഇതില് നിന്ന് ഒരു ന്യൂനമര്ദ്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നു. ഇതിന്റെ ഫലമായി ഫലമായാണ് കേരളത്തില് മഴ കനക്കുന്നത്. കേരള-ലക്ഷദ്വീപ്-കര്ണാടക തീരങ്ങളില് 40 മുതല് 50 കിലോമീറ്റര് വേഗതയില് കാറ്റിന് സാധ്യതയുണ്ട്.
ചില അവസരങ്ങളില് മണിക്കൂറില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാല് മത്സ്യബന്ധനത്തിനു പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.