തിരുവനന്തപുരം: കേരളത്തില് അടുത്ത മൂന്ന് മണിക്കൂറില് എല്ലാ ജില്ലകളിലും മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. അഞ്ച് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കാസര്ഗോഡ്, കണ്ണൂര്, കോഴിക്കോട്, മലപ്പുറം, ഇടുക്കി എന്നീ ജില്ലകളിലാണ് യെല്ലോ അലേര്ട്ട്.
വടക്കന് കേരളത്തില് ഇന്ന് ശക്തമായ മഴയ്ക്ക് സാധ്യതയുണ്ട്. ബുധനാഴ്ച വരെ ശക്തമായ മഴ തുടരുമെന്നും കാലാവസ്ഥ വകുപ്പ് അറിയിച്ചു. അറബിക്കടലിലും ബംഗാള് ഉള്ക്കടലിലും നിലനില്ക്കുന്ന ന്യൂനമര്ദ്ദങ്ങളും, മഹാരാഷ്ട്ര മുതല് ഗുജറാത്ത് വരെയുള്ള ന്യൂനമര്ദ്ദ പാത്തിയുമാണ് കാലവര്ഷം ശക്തമാകാന് കാരണം.
നാളെ മഴ കുറയാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ന്യൂനമര്ദ്ദം അകലുന്നതോടെ മഴയുടെ ശക്തി കുറയുമെന്നാണ് വിലയിരുത്തല്. തൃശൂരില് മലയോര പ്രദേശങ്ങളിലും തീരദേശ മേഖലയിലും മഴ തുടരുകയാണ്. കേരള തീരത്ത് മത്സ്യത്തൊഴിലാളികള് കടലില് പോകുന്നതിന് തടസ്സമില്ല.