കൊച്ചി: കേരളത്തില് ഇന്നും വ്യാപക മഴയ്ക്ക് സാധ്യത എന്നാണ് കാലാവസ്ഥാ വകുപ്പിന്റെ പ്രവചനം. ഇന്ന് 14 ജില്ലകളിലും യെല്ലോ അലര്ട്ട് പ്രഖ്യാപിച്ചു. ഒഡീഷ തീരത്തിന് മുകളിലായുള്ള ന്യൂനമര്ദ്ദവും അറബിക്കടലിലെ ന്യൂനമര്ദ്ദപാത്തിയുമാണ് മഴയ്ക്ക് കാരണം.
വടക്കന് ജില്ലകളിലാണ് കഴിഞ്ഞ ദിവസങ്ങളില് കൂടുതല് മഴ ലഭിച്ചതെങ്കില് ഇന്ന് മുതല് തെക്കന് ജില്ലകളിലും മഴ ശക്തമാകും. ഉച്ചയ്ക്ക് ശേഷം കൂടുതല് മഴ കിട്ടും. ശക്തമായ കാറ്റിനും ഉയര്ന്ന തിരമാലകള്ക്കും സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പുണ്ട്.
also read: ഒരു മാസത്തെ പരിചയം, 33കാരനായ ബസ് ഡ്രൈവര്ക്കൊപ്പം നാടുവിട്ട് പത്താംക്ലാസ്സുകാരി, പിടിയില്
നാളെ 13 ജില്ലകളിലാണ് മഴ മുന്നറിയിപ്പുള്ളത്. വെള്ളിയാഴ്ച 11 ജില്ലകളിലും. മലയോര മേഖലയില് ഓറഞ്ച് അലര്ട്ടിന് സമാനമായ ജാഗ്രത പാലിക്കണം എന്നും മുന്നറിയിപ്പ് നല്കിയിട്ടുണ്ട്. വെള്ളിയാഴ്ച വരെയാണ് ലക്ഷദ്വീപ്-കര്ണാടക തീരങ്ങളില് മത്സ്യബന്ധനത്തിന് വിലക്ക്.