തിരുവനന്തപുരം: ബംഗാള് ഉള്ക്കടലില് പുതിയ ന്യൂനമര്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ്. ന്യൂനമര്ദത്തിന്റെയും മണ്സൂണ് പാത്തി അതിന്റെ സാധാരണ സ്ഥാനത്തു നിന്ന് തെക്കോട്ടു മാറി സജീവമായിരിക്കുന്നതിനാലും കേരളത്തില് മഴ കൂടതല് ശക്തമാകുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെക്കന് ഒഡിഷയ്ക്കും സമീപ പ്രദേശങ്ങള്ക്കും മുകളിലായി ബംഗാള് ഉള്ക്കടലിലാണ് ന്യൂനമര്ദ്ദം രൂപപ്പെട്ടത്. തെക്കന് ഗുജറാത്ത് തീരം മുതല് കര്ണാടക തീരം വരെയാണ് ന്യുന മര്ദ പാത്തി നിലനില്ക്കുന്നത്. ഈ സാഹചര്യത്തില് കേരളത്തില് അടുത്ത അഞ്ചുദിവസം വ്യാപകമായ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് അറിയിച്ചത്.
തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകളില് ഇന്ന് ജാഗ്രതാനിര്ദേശം നല്കി. നാളെയും ഈ ജില്ലകള് ഒഴികെയുള്ളയിടങ്ങളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇടിമിന്നലോട് കൂടിയ ശക്തമായ മഴയാണ് പ്രവചിക്കുന്നത്. ജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു.