തിരുവനന്തപുരം: കേരളത്തില് ഇന്നും ശക്തമായ മഴ തുടരുമെന്ന് കാലാവസ്ഥ വകുപ്പ്. ഇന്ന് 11 ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ടയിടങ്ങളില് അതിശക്തമായ മഴയ്ക്കും സാധ്യതയുണ്ട്. ഗുജറാത്ത് തീരം മുതല് കര്ണാടക തീരം വരെ നിലനില്ക്കുന്ന ന്യുന മര്ദ്ദ പാത്തിയും ഒഡിഷ-ആന്ധ്ര പ്രദേശ് തീരത്തിന് സമീപമുള്ള ചക്രവാതച്ചുഴിയും അനുബന്ധ കാലവര്ഷക്കാറ്റുകളുമാണ് മഴ ശക്തമാകാന് കാരണം.
also read: അധ്യാപികയായ അമ്മയോടൊപ്പം നടന്നുപോകുന്നതിനിടെ തീവണ്ടി തട്ടി; ആറാം ക്ലാസ് വിദ്യാർത്ഥിക്ക് ദാരുണമരണം
കടല് പ്രക്ഷുബ്ദമാകാനും ശക്തമായ തിരമാലകള്ക്കും സാധ്യതയുണ്ട്. അതിനാല് മത്സ്യത്തൊഴിലാളികള് കടലില് പോകരുതെന്നും അറിയിപ്പുണ്ട്.