തിരുവനന്തപുരം: വ്യാഴാഴ്ച മുതല് പ്ലസ് വണ് പ്രവേശനത്തിന് ഓണ്ലൈനായി അപേക്ഷിക്കാമെന്ന് വിദ്യാഭ്യാസമന്ത്രി വി ശിവന്കുട്ടി അറിയിച്ചു. ഇതുസംബന്ധിച്ചുള്ള വിജ്ഞാപനം നാളെ പുറത്തിറങ്ങുമെന്നും മന്ത്രി പറഞ്ഞു.
മുന് വര്ഷങ്ങളില് അധിക ബാച്ച് അനുവദിക്കാന് താമസിച്ചതു പ്രവേശന നടപടികള് വൈകിച്ചിരുന്നു. ആവശ്യമുള്ള ജില്ലകളില് ആദ്യമേ തന്നെ അധിക സീറ്റുകള് അനുവദിക്കാനുള്ള നീക്കമാണു നടക്കുന്നത്. ആവശ്യമെങ്കില് താത്കാലിക ബാച്ചുകള് പിന്നീട് അനുവദിക്കും.
അതേസമയം, ബോണസ് പോയിന്റ് സമ്പ്രദായം പൂര്ണമായും നിര്ത്തലാക്കില്ല. നീന്തലിനുള്പ്പെടെ മികവിന്റെ അടിസ്ഥാനത്തില് പോയിന്റ് അനുവദിക്കും. ഈ കാര്യങ്ങളില് ആവശ്യമെങ്കില് മന്ത്രിസഭയുടെ അംഗീകാരം തേടും. നാളെയാണു മന്ത്രിസഭാ യോഗം.