തിരുവനന്തപുരം: കേരളത്തില് അടുത്ത അഞ്ച് ദിവസത്തേക്ക് ഒറ്റപ്പെട്ട ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. മോശം കാലാവസ്ഥയ്ക്ക് സാധ്യതയുള്ളതിനാല് മത്സ്യത്തൊഴിലാളികള് കടലില് പോകാന് പാടില്ലെന്നും അറിയിച്ചു.
വടക്കന് കേരള തീരം മുതല് തെക്കന് മഹാരാഷ്ട്ര തീരം വരെ നിലനില്ക്കുന്ന ന്യുനമര്ദ്ദ പാത്തിയുടെയും അറബികടലില് പടിഞ്ഞാറന് കാറ്റ് ശക്തമാകുന്നതിന്റെ സ്വാധീന ഫലമായാണ് മഴ ലഭിക്കുക. ഇടിമിന്നലോടുകൂടി ശക്തമായ മഴയുണ്ടാകാന് സാധ്യതയുണ്ടെന്നാണ് മുന്നറിയിപ്പ്.
also read: ശിക്ഷ മരവിപ്പിച്ചു, അഭയ കേസ് പ്രതികള്ക്ക് ജാമ്യം
അതേസമയം ഇന്ന് രാവിലെ 10 മണിക്ക് വന്ന അറിയിപ്പ് പ്രകാരം അടുത്ത 3 മണിക്കൂറില് കേരളത്തില് ആലപ്പുഴ, ഇടുക്കി, കോട്ടയം, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ട്.
കേരള-ലക്ഷദ്വീപ് തീരങ്ങളില് 24-06-2022, 25-06-2022, 26-06-2022 എന്നീ തീയ്യതികളിലും, കര്ണാടക തീരങ്ങളില് ഇന്നലെ മുതല് 26 വരെയും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മല്സ്യബന്ധനത്തിനായി കടലില് പോകാന് പാടില്ല.