കൊച്ചി: അഭയ കേസ് പ്രതികളുടെ ശിക്ഷ മരവിപ്പിച്ചു. ഹൈക്കോടതി പ്രതികള്ക്ക് ജാമ്യം അനുവദിച്ചു. വിചാരണ കോടതിയുടെ ശിക്ഷാ വിധി മരവിപ്പിച്ച് ജാമ്യം അനുവദിക്കണമെന്ന പ്രതികളുടെ ഹര്ജിയിലാണ് ഹൈക്കോടതി വിധി പറഞ്ഞത്. അപ്പീല് കാലയളവില് ജാമ്യം അനുവദിക്കണമെന്ന് ആവശ്യപ്പെട്ട് സിസ്റ്റര് സെഫി, ഫാദര് തോമസ് കോട്ടൂര് എന്നിവരാണ് ഹര്ജി സമര്പ്പിച്ചത്.
അഞ്ച് ലക്ഷം രൂപ ഇരുവരും കെട്ടി വയ്ക്കണം, സംസ്ഥാനം വിടരുത്, ജാമ്യകാലയളവില് മറ്റ് കുറ്റകൃത്യങ്ങളില് പങ്കാളികളാകരുത് എന്നിവയാണ് ജാമ്യവ്യവസ്ഥകള്. ജസ്റ്റിസുമാരായ കെ.വിനോദ് ചന്ദ്രന്, സി.ജയചന്ദ്രന് എന്നിവര് അടങ്ങുന്ന ഡിവിഷന് ബെഞ്ചാണ് ഹര്ജിയില് വിധി പറഞ്ഞത്.
also read: കാണാതായത് 600 ടവറുകള്, നഷ്ടം 100കോടി; തമിഴ്നാടിനെ ഞെട്ടിച്ച് മൊബൈല് ടവര് മോഷണം
ഉത്തരവിന്റെ അടിസ്ഥാനത്തില് ശിക്ഷാ നടപടികള് നടപ്പാക്കുന്നത് നിര്ത്തിവച്ചു.28 വര്ഷം നീണ്ട നിയമപോരാട്ടങ്ങള്ക്ക് ശേഷമാണ് പ്രതികള് കുറ്റക്കാരാണെന്ന് കോടതി വിധിച്ചത്. 2021 ഡിസംബര് 23-നായിരുന്നു കോടതി വിധി. ഒന്നാം പ്രതി ഫാദര് തോമസ് കോട്ടൂരും മൂന്നാം പ്രതി സിസ്റ്റര് സെഫിയും കൊലക്കുറ്റം ഉള്പ്പെടെയുള്ള വകുപ്പുകള് പ്രകാരം കുറ്റക്കാരാണെന്ന് കണ്ടെത്തിയാണ് കോടതി ശിക്ഷിച്ചത്.
ഫാ. തോമസ് കോട്ടൂരിനും സി. സെഫിയ്ക്കും ജീവപര്യന്തം ശിക്ഷയായിരുന്നു കോടതി വിധിച്ചത്. കോട്ടൂരിന് ഇരട്ട ജീവപരന്ത്യവും സെഫിയ്ക്ക് ജീവപര്യന്തവുമാണ് ശിക്ഷ വിധിച്ചത്.