തിരുവനന്തപുരം: കേരളത്തില് കാലവര്ഷം കനക്കുന്നു. ഇന്ന് ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇതേതുടര്ന്ന് സംസ്ഥാനത്ത് 9 ജില്ലകളില് യെല്ലോ അലര്ട്ട് പ്രഖ്യാപിച്ചു. സംസ്ഥാനത്ത് വരും ദിവസങ്ങളില് കാലവര്ഷം സജീവമാകുമെന്നാണ് വിലയിരുത്തപ്പെടുന്നത്.
കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
വടക്കന് കര്ണാടക മുതല് തെക്കന് തമിഴ്നാട് വരെയുള്ള ന്യുനമര്ദ്ദ പാത്തിയുടെയും അറബികടലില് പടിഞ്ഞാറന് കാറ്റ് ശക്തമാകുന്നതിന്റെയും ഫലമായി കേരളത്തില് അടുത്ത ദിവസങ്ങളില് ഒറ്റപ്പെട്ട ശക്തമായ മഴക്ക് ലഭിച്ചേക്കുമെന്നാണ് പ്രവചനം.
കേരളത്തില് ജൂണ് 22 വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ ശക്തമായ മഴ ലഭിക്കും. കേരള കര്ണാടക ലക്ഷദ്വീപ് തീരങ്ങളില് 22ാം തിയതി വരെ കടലില് പോകരുതെന്ന് മത്സ്യതൊഴിലാളികള്ക്ക് മുന്നറിയിപ്പുണ്ട്.