തിരുവനന്തപുരം: കേരളത്തില് ഇന്നും വ്യാപക മഴയ്ക്ക് സാധ്യതയെന്ന് കാലാവസ്ഥ വകുപ്പ്. ഇതേ തുടര്ന്ന് സംസ്ഥാനത്തെ എല്ലാ ജില്ലകളിലും ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. കാലവര്ഷ കാറ്റിനൊപ്പം, വടക്കന് കര്ണാടക മുതല് തെക്കന് തമിഴ്നാട് വരെ നിലനില്ക്കുന്ന ന്യുനമര്ദ്ദ പാത്തിയും സംസ്ഥാനത്ത് മഴ ശക്തമാവാന് കാരണമായി.
നേരത്തെ കേരളത്തില് ജൂണ് 21 വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചിരുന്നു. സംസ്ഥാനത്തിന്റെ കിഴക്കന് മേഖലകളില് കൂടുതല് മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം.
also read: നാലാംദിവസവും രോഗികള് മൂവായിരത്തിന് മുകളില്, ഏറ്റവും കൂടുതല് രോഗികള് എറണാകുളത്ത്
ഒറ്റപ്പെട്ട മഴയ്ക്കും അതിശക്തമായ മഴയ്ക്കും സാധ്യതയുണ്ട്. മത്സ്യതൊഴിലാളികള് കേരള കര്ണാടക ലക്ഷദ്വീപ് തീരങ്ങളില് 21ാം തിയതി വരെ മത്സ്യബന്ധനത്തിന് പോകാന് പാടില്ലെന്ന് മുന്നറിയിപ്പുണ്ട്.