തിരുവനന്തപുരം: വേനലവധി കഴിഞ്ഞ് സംസ്ഥാനത്തെ സ്കൂളുകള് ജൂണ് ഒന്നിന് തുറക്കും. 42.9 ലക്ഷം വിദ്യാര്ഥികളും 1.8 ലക്ഷം അധ്യാപകരും കാല് ലക്ഷത്തോളം അനധ്യാപകരും സ്കൂളുകളിലെത്തും. സ്കൂളിലെത്തുന്ന വിദ്യാര്ഥികളും അധ്യാപകരും മാസ്ക് ധരിക്കണമെന്ന് വിദ്യാഭ്യാസ മന്ത്രി വി ശിവന്കുട്ടി നിര്ദ്ദേശിച്ചു.
ഒന്നാം ക്ലാസില് നാലു ലക്ഷത്തോളം വിദ്യാര്ഥികള് എത്തുമെന്നാണ് പ്രാഥമിക കണക്ക്. സംസ്ഥാന ജില്ലാ, ഉപജില്ലാ സ്കൂള് തലങ്ങളില് പ്രവേശനോത്സവം നടക്കും. സംസ്ഥാനതല പ്രവേശനോത്സവം കഴക്കൂട്ടം ഗവ. ഹയര് സെക്കന്ഡറി സ്കൂളില് രാവിലെ 9.30ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
also read: വിവാഹത്തിന് ഫോട്ടോഗ്രാഫര് ഇല്ല, താലികെട്ടുന്നതിന് തൊട്ടുമുമ്പ് കല്യാണത്തില് നിന്നും പിന്മാറി വധു
ഒന്നാം വാള്യം പാഠപുസ്തകങ്ങളും കൈത്തറി യൂണിഫോമുകളും എത്തിച്ചിട്ടുണ്ട്. പിഎസ്സി നിയമനമം ലഭിച്ച 353 അധ്യാപകര് പുതിയതായി ജോലിക്ക് കയറും. സ്കൂളിന് മുന്നില് പൊലീസ് സഹായം ഉണ്ടാകും. കഴിഞ്ഞ ദിവസം സംസ്ഥാന പൊലീസ് മേധാവി അനില് കാന്തുമായി വിദ്യാഭ്യാസ മന്ത്രി ചര്ച്ച നടത്തിയിരുന്നു. റോഡില് തിരക്കിന് സാധ്യതയുള്ളതിനാല് പൊലീസ് സഹായം അത്യന്താപേക്ഷിതമാണെന്ന് മന്ത്രി പറഞ്ഞു.