കൊല്ലം: കൊല്ലത്ത് വിസ്മയ എന്ന യുവതിയുടെ ആത്മഹത്യയുമായി ബന്ധപ്പെട്ട കേസില് ഭര്ത്താവ് കിരണ് കുമാറിന് (31) പത്തു വര്ഷം തടവ് ശിക്ഷ വിധിച്ച് കോടതി. കൊല്ലം ഒന്നാം അഡീഷണല് സെഷന്സ് കോടതിയാണ് ശിക്ഷാ വിധി പ്രഖ്യാപിച്ചത്.
സ്ത്രീധന പീഡനത്തെ തുടര്ന്നാണ് വിസ്മയ ജീവനൊടുക്കിയത്. സ്ത്രീധന പീഡനവും ഗാര്ഹിക പീഡനവും ഉള്പ്പെടെ പ്രോസിക്യൂഷന് ചുമത്തിയ കുറ്റങ്ങള് കിരണ് ചെയ്തതായി കോടതി തിങ്കളാഴ്ച കണ്ടെത്തിയിരുന്നു. 498 എ ഗാര്ഹിക പീഡനം, 304 ബി സ്ത്രീധന പീഡനം മൂലമുള്ള മരണം, 306 അത്മഹത്യ പ്രേരണ എന്നീ വകുപ്പുകള് പ്രകാരം പ്രതി കുറ്റക്കാരനാണ് എന്നാണ് കോടതിയുടെ കണ്ടെത്തല്.
also read: കുളിമുറിയിലെ ബക്കറ്റില് വീണു, പിഞ്ചുകുഞ്ഞിന് ദാരുണാന്ത്യം
കുറ്റക്കാരന് എന്നു കണ്ടെത്തയതിനു പിന്നാലെ കിരണ് കുമാറിന്റെ ജാമ്യം റദ്ദാക്കി ജയിലില് അടച്ചിരുന്നു. കിരണ് കുമാറിന് പരമാവധി ശിക്ഷ നല്കണം എന്നു പ്രോസിക്യൂഷന് വാദിച്ചു. സര്ക്കാര് ഉദ്യോഗസ്ഥനായിരുന്ന കിരണ് സ്ത്രീധനത്തിനായി വിസ്മയയെ നിലത്തിട്ടു മുഖത്തു ചവിട്ടി. ഒരുതരത്തിലുള്ള അനകമ്പയും പ്രതി അര്ഹിക്കുന്നില്ലെന്നു പ്രോസിക്യൂഷന് വാദിച്ചു.