തിരുവനന്തപുരം: കേരളത്തില് അടുത്ത മൂന്ന് ദിവസം വ്യാപകമായ മഴയ്ക്ക് സാധ്യത. ലക്ഷദ്വീപിനു മുകളിലുണ്ടായിരുന്ന ചക്രവാതച്ചുഴി നിലവില് കേരളത്തിനു മുകളില് സ്ഥിതി ചെയ്യുന്നതിനാലാണ് മഴ തുടരുന്നതെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഒറ്റപ്പെട്ട സ്ഥലങ്ങളില് ഇടിമിന്നലിനും കാറ്റോട് കൂടിയ ശക്തമായ/ അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു.
ശേഷിക്കുന്ന അഞ്ചു ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്. കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളിലാണ് മഞ്ഞ ജാഗ്രതാ നിര്ദേശം പുറപ്പെടുവിച്ചിട്ടുള്ളത്. നാളെ ഏഴു ജില്ലകളിലും ഓറഞ്ച് അലര്ട്ട് പുറപ്പെടുവിച്ചിട്ടുണ്ട്.
ശക്തമായ മഴയും കാറ്റും നിമിത്തം കടല് പ്രക്ഷുബ്ധമാകാനിടയുള്ളതിനാല് മത്സ്യത്തൊഴിലാളികള് അതീവ ജാഗ്രത പാലിക്കണം. മെയ് 21 വരെ ഇടിമിന്നലോടു കൂടിയ വ്യാപക മഴയ്ക്ക് സാധ്യതയുണ്ടെന്നും മുന്നറിയിപ്പ് നല്കിയിട്ടുണ്ട്. ഇടിമിന്നല് അപകടകാരികളാണെന്നും, ജനങ്ങള് അതീവ ജാഗ്രത പുലര്ത്തണമെന്നും അധികൃതര് നിര്ദേശം നല്കി.