തിരുവനന്തപുരം: കേരളത്തില് പലയിടത്തും ശക്തമായ മഴ തുടരുകയാണ്. കനത്തമഴയെ തുടര്ന്ന് അരുവിക്കര ഡാമിന്റെ രണ്ടാമത്തെയും മൂന്നാമത്തെയും ഷട്ടറുകള് കൂടി ഉയര്ത്തി. കരമന, കിള്ളിയാര് പുഴകളുടെ തീരത്തുള്ളവര് ജാഗ്രത പാലിക്കണമെന്ന്് ജില്ലാ ഭരണകൂടം അറിയിച്ചു.
ശക്തമായ മഴയില് കൊട്ടാരക്കര പുലമണ്തോട് കരകവിഞ്ഞു. കൃഷിയിടങ്ങളിലേക്ക് വെള്ളം കയറിയതിനെ തുടര്ന്ന് നാശനഷ്ടം സംഭവിച്ചു. സംസ്ഥാനത്ത് അടുത്ത മൂന്ന് മണിക്കൂറില് എല്ലാ ജില്ലകളിലും ഇടിയോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ പ്രവചനം.
also read: 60 കിമീ വേഗതയില് അതിശക്തമായ കാറ്റിന് സാധ്യത, ഒമ്പത് ജില്ലകളില് ഓറഞ്ച് അേേലര്ട്ട്
കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. മധ്യകേരളത്തിലും തെക്കന്ജില്ലകളിലുമാണ് ഇന്നലെ രാത്രി മുതല് മഴ ലഭിക്കുന്നത്. തിരുവനന്തപുരത്ത് ഇന്നലെ വൈകീട്ട് ആരംഭിച്ച മഴ ഇപ്പോഴും തുടരുകയാണ്.
അതിശക്തമായ മഴയ്ക്കുള്ള മുന്നറിയിപ്പ് നിലനില്ക്കുന്ന സാഹചര്യത്തില് കേരള തീരത്ത് നിന്ന് മത്സ്യബന്ധനം നിരോധിച്ചു. 60കിലോമീറ്റര് വരെ വേഗതയില് കാറ്റിന് സാധ്യതയുണ്ടെന്നാണ് മുന്നറിയിപ്പ്.