തിരുവനന്തപുരം: കേരളത്തീരത്ത് മത്സ്യബന്ധനത്തിന് വിലക്കേര്പ്പെടുത്തി. ശക്തമായ കാറ്റിന് സാധ്യതയുള്ളതിനാലാണ് വിലക്കേര്പ്പെടുത്തിയത്. 60 കിലോമീറ്റര് വരെ വേഗതയില് കാറ്റ് വീശാന് സാധ്യതയു കേന്ദ്ര കാലാവസ്ഥ വകുപ്പ് അറിയിച്ചു.
അതിനാല് മത്സ്യത്തൊഴിലാളികള് കടലില് ഇറങ്ങരുതെന്ന് മുന്നറിയിപ്പ് നല്കി. സംസ്ഥാനത്ത് ശക്തമായ മഴ തുടരുകയാണ്. ആറ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് ഇന്ന് ഓറഞ്ച് അലര്ട്ട് പ്രഖ്യാപിച്ചത്.
also read: യാത്രാക്കൂലി ചോദിച്ചത് ഇഷ്ടമായില്ല, ഓട്ടോറിക്ഷ തല്ലിപ്പൊളിച്ച് യാത്രക്കാര്
തിരുവനന്തപുരം, തൃശൂര്, മലപ്പുറം, കോഴിക്കോട്, വയനാട് എന്നി ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. അടുത്ത മൂന്ന് മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെക്കന് ആന്ഡാമാന് കടലിലും നിക്കോബര് ദ്വീപ് സമൂഹങ്ങളിലും തെക്ക് കിഴക്കന് ബംഗാള് ഉള്കടലിലും കാലവര്ഷം അടുത്ത 48 മണിക്കൂറിനുള്ളില് എത്തിച്ചേരാന് സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നത്.