പത്തനംതിട്ട: വീട്ടമ്മയെ ബിയര് കുപ്പികൊണ്ട് കുത്തിക്കൊന്നു. പത്തനംതിട്ട തിരുവല്ല കുന്നന്താനത്താണ് നടുക്കുന്ന സംഭവം. പാമല സ്വദേശിനി വിജയമ്മ ആണ് കുത്തേറ്റ് മരിച്ചത്. അറുപത്തിരണ്ട് വയസ്സായിരുന്നു. സംഭവത്തില് കുന്നന്താനം സ്വദേശിയായ പ്രദീപിനെ പൊലീസ് കസ്റ്റഡിയിലെടുത്തു.
വിജയമ്മയുടെ അയല്വാസിയാണ് പ്രദീപ്. പൊട്ടിച്ച ബിയര് കുപ്പി കൊണ്ട് പ്രദീപ് വിജയമ്മയെ കുത്തി പരിക്കേല്പ്പിക്കുകയായിരുന്നു. ഇയാള് മാനസിക വൈകല്യമുള്ള ആളാണെന്ന് പൊലീസ് സംശയിക്കുന്നു. രാവിലെ ഏഴരയോടെയാണ് സംഭവം.
also read: ‘ഏവര്ക്കും സ്നേഹം നിറഞ്ഞ പെരുന്നാള് ആശംസകള്’; പിസി ജോര്ജ്
വിജയമ്മയുടെ വീട്ടിലെത്തിയ പ്രതി ബിയര് കുപ്പി കൊണ്ട് കുത്തിരിക്കേല്പ്പിക്കുകയായിരുന്നു. മാനസിക വൈകല്യമുളളയാളാണ് പ്രതിയെന്നാണ് സൂചന. കൊലപാതകത്തിന് ശേഷം ഓടി രക്ഷപ്പെടുന്നതിനിടയില് പ്രദീപ് മൂന്ന് പേരെ ആക്രമിച്ചു.
ആക്രമണത്തില് പരിക്കേറ്റ എട്ട് വയസുകാരനടക്കം ചികിത്സിലാണ്. ആരുടേയും പരിക്ക് ഗുരുതരമല്ല. അക്രമാസക്തനായ പ്രതിയെ പൊലീസ് രണ്ട് കിലോ മീറ്റര് ഓടിച്ചിട്ടാണ് പിടികൂടിയത്.