തിരുവനന്തപുരം: കേരളത്തില് ഇന്നും വ്യാപക മഴയ്ക്ക് സാധ്യത. ന്യുനമര്ദ്ദ പാത്തിയുടെ സ്വാധീനഫലമായാണ് മഴ ലഭിക്കുക. ഈ മാസം 26 വരെ ഒറ്റപ്പെട്ട കനത്ത മഴയുണ്ടാകുമെന്നാണ് കാലാവസ്ഥ വകുപ്പിന്റെ പ്രവചനം. ഒരു ജില്ലയിലും പ്രത്യേകം മുന്നറിയിപ്പ് നല്കിയിട്ടില്ല.
ഒറ്റപ്പെട്ട ഇടങ്ങളില് ശക്തമായ മഴ ലഭിക്കുമെന്നാണ് കേന്ദ്രകാലാവസ്ഥ വകുപ്പിന്റെ അറിയിപ്പ്. ഉച്ചയ്ക്ക് രണ്ടു മണി മുതല് രാത്രി 10 വരെ ഇടിമിന്നലിനും സാധ്യതയുണ്ട്. ഇന്നും നാളെയും ശക്തമായ കാറ്റിനും സാധ്യതയുണ്ടെന്നും മുന്നറിയിപ്പ് പുറപ്പെടുവിച്ചിട്ടുണ്ട്.
also read: മഴ മുന്നറിയിപ്പില് മാറ്റം, രണ്ട് ജില്ലകളില് യെല്ലോ അലേര്ട്ട്, ജാഗ്രത പാലിക്കണമെന്ന് മുന്നറിയിപ്പ്
മണ്ണിടിച്ചിലിന് സാധ്യതയുള്ളതിനാല് മലയോരമേഖലകളിലുള്ളവര് ജാഗ്രത പാലിക്കണമെന്ന് അധികൃതര് നിര്ദേശിച്ചു. മഴ തുടരുമെങ്കിലും കേരളാ തീരത്ത് മത്സ്യബന്ധനത്തിന് വിലക്കില്ല. എന്നാല് ശക്തമായ കാറ്റ് വീശാന് സാധ്യതയുള്ള പശ്ചാത്തലത്തില് കടലില് പോകുന്നവര് ജാഗ്രത പാലിക്കണം.
വടക്കന് കര്ണാടക തീരം മുതല് മാന്നാര് കടലിടുക്ക് വരെയായി നിലനില്ക്കുന്ന ന്യൂനമര്ദ്ദപാത്തിയാണ് മഴ ശക്തമാകാന് കാരണം.