തിരുവനന്തപുരം: കേരളത്തില് മഴ മുന്നറിയിപ്പില് മാറ്റം. രണ്ട് ജില്ലകളില് യെല്ലോ അലേര്ട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകളിലാണ് യെല്ലോ അലേര്ട്ട്. ശക്തമായ മഴ ലഭിക്കാനുള്ള സാധ്യത കണക്കിലെടുത്താണ് ഈ ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചത്.
നേരത്തെ കൊല്ലം ജില്ലയില് മാത്രം ശക്തമായ മഴ ലഭിക്കുമെന്നായിരുന്നു പ്രവചനം. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കുന്നത്. 24 മണിക്കൂറില് 115.5 മില്ലിമീറ്റര് വരെ ലഭിക്കാവുന്ന ശക്തമായ മഴയ്ക്ക് സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
also read: യുപിയിൽ വിവാഹച്ചടങ്ങിനിടെ ബാൽക്കണി തകർന്നു; പൊലിഞ്ഞത് 2 ജീവൻ, 30 പേർക്ക് പരിക്ക്
സംസ്ഥാനത്ത് വരും ദിവസങ്ങളിലും മഴ തുടരും. ചൊവ്വാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. വെള്ളിയാഴ്ചയും ശനിയാഴ്ചയും ശക്തമായ കാറ്റിനും സാധ്യതയുണ്ട്.
40 കിലോമീറ്റര് വരെ വേഗതയില് കാറ്റ് വീശിയേക്കാം. ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലായതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.