തിരുവനന്തപുരം: കേരളത്തില് വരുംദിവസവും കനത്ത മഴയ്ക്ക് സാധ്യതയെന്ന് കാലാവസ്ഥാ വകുപ്പ്. തെക്കന് തമിഴ്നാടിനു മുകളില് സ്ഥിതിചെയ്യുന്ന ചക്രവാതച്ചുഴിയുടെ സ്വാധീനഫലമായാണ് മഴ ലഭിക്കുക. അതേ സമയം, ഒരു ജില്ലയിലും യെല്ലോ അലേര്ട്ട് പ്രഖ്യാപിച്ചിട്ടില്ല.
സംസ്ഥാനത്ത് അടുത്ത അഞ്ചു ദിവസം ഇടിമിന്നലോടുകൂടിയ മഴ തുടരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഏപ്രില് 24 വരെ സംസ്ഥാനത്ത് ഒറ്റപ്പെട്ട ഇടങ്ങളില് ഇടിമിന്നലോടുകൂടിയ മഴക്കും മണിക്കൂറില് 30 മുതല് 40 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ട്.
ഇടിമിന്നലിലും ശക്തമായ കാറ്റിലും അപകടങ്ങളുണ്ടാവാന് സാധ്യതയേറെയാണ്. അതിനാല് ജനങ്ങള് ജാഗ്രത പാലിക്കണമെന്നും കാലാവസ്ഥ വകുപ്പ് അറിയിച്ചു.