കൊച്ചി: നടിയെ ആക്രമിച്ച കേസിലെ ഒന്നാം പ്രതിയായ പള്സര് സുനിയുടെ ജാമ്യാപേക്ഷ തള്ളി ഹൈക്കോടതി. ഈ ഘട്ടത്തില് ജാമ്യം നല്കാന് കഴിയില്ലെന്ന് വിലയിരുത്തിയാണ് ഹൈക്കോടതി പള്സര് സുനിയുടെ ജാമ്യാപേക്ഷ തള്ളിയത്.
നിലവില് കേസിന്റെ വിചാരണ നിര്ണായക ഘട്ടത്തില് എത്തി നില്ക്കുകയാണെന്ന് പ്രോസിക്യൂഷന് ചൂണ്ടിക്കാട്ടി. ഈ ഘട്ടത്തില് ജാമ്യം അനുവദിക്കുന്നത് കേസിന്റെ വിചാരണയെ ബാധിച്ചേക്കാമെന്നും പ്രോസിക്യൂഷന് വാദിച്ചു. ഇത് കണക്കിലെടുത്താണ് ഹൈക്കോടതി നടപടി.
also read: കോവിഡ് വാക്സീനെന്ന പേരില് കുത്തിവെച്ചത് ഉപ്പുലായനി, ഡോക്ടര് അറസ്റ്റില്
വിചാരണ അനന്തമായി നീണ്ടുപോകുന്നതായും വര്ഷങ്ങളായി താന് ജയിലില്ലാണെന്നും ചൂണ്ടിക്കാട്ടിയാണ് പള്സര് സുനി ഹൈക്കോടതിയില് ജാമ്യാപേക്ഷ നല്കിയത്. ജയിലില് സുരക്ഷാ ഭീഷണി നിലനില്ക്കുന്നതായും പള്സര് സുനിയുടെ ജാമ്യാപേക്ഷയില് പറയുന്നു.
എന്നാല് ഈ ഘട്ടത്തില് ജാമ്യം അനുവദിക്കാന് കഴിയില്ലെന്ന് വിലയിരുത്തിയാണ് കോടതി അപേക്ഷ തള്ളിയത്.