തിരുവനന്തപുരം: സര്ക്കാര് ആശുപത്രികളില് ചികിത്സ തേടുന്നവരുടെ എണ്ണത്തില് വലിയ വര്ദ്ധനവാണ് ഉണ്ടാകുന്നതെന്ന് ആരോഗ്യമന്ത്രി വീണ ജോര്ജ്. താലൂക്ക് ആശുപത്രികള് മുതല് സ്പെഷ്യലിസ്റ്റ് ആശുപത്രികളാക്കി മാറ്റാനാണ് സര്ക്കാര് ശ്രമിച്ചുവരുന്നതെന്നും ആരോഗ്യമന്ത്രി പറഞ്ഞു.
ആരോഗ്യ മേഖലയില് 98 ശതമാനം ആളുകളും കഠിനാധ്വാനം ചെയ്യുന്ന സ്ഥിതിവിശേഷമാണുള്ളത്. എന്നാല് ചുരുക്കം ചില ആളുകള് തെറ്റായ രീതിയില് പെരുമാറുന്നത് തിരുത്തപ്പെടേണ്ടതാണ്. ബഹുഭൂരിപക്ഷവും 24 മണിക്കൂറും, ഏത് നിമിഷം വിളിച്ചാലും ഓടിയെത്തുന്നവരാണെന്ന് ആരോഗ്യമന്ത്രി പറഞ്ഞു.
പക്ഷെ ചുരുക്കം ചിലര് പൊതുവായ ആരോഗ്യ മേഖലയുടെ പ്രവര്ത്തനങ്ങള്ക്ക് അപമാനകരമാകുന്ന രീതിയില് പ്രവര്ത്തിക്കുന്നുണ്ടെന്നും മന്ത്രി പറഞ്ഞു. പാവപ്പെട്ടവരും കര്ഷകരും, തൊഴിലാളികളും തുടങ്ങി അന്നന്നത്തെ വരുമാനത്തിന് വേണ്ടി കഷ്ടപ്പെടുന്നവര് സര്ക്കാര് ആശുപത്രികളിലെത്തുമ്പോള് ഈ രീതിയിലുള്ള പ്രവണതകള് ചിലരെങ്കിലും പുലര്ത്തുന്നത് ശ്രദ്ധയില്പ്പെട്ടിട്ടുണ്ടെന്നും മന്ത്രി കൂട്ടിച്ചേര്ത്തു.
സംസ്ഥാന സര്ക്കാര് ഏറ്റവുമധികം പണം ചെലവഴിക്കുന്ന മേഖലയാണ് ആരോഗ്യ മേഖലയെന്നും കോടിക്കണക്കിന് രൂപയാണ് ആരോഗ്യ മേഖലയുടെ പുരോഗതിയ്ക്കായി ചെലവഴിക്കുന്നതെന്നും മന്ത്രി കൂട്ടിച്ചേര്ത്തു. ആര്ദ്രം മിഷന്റെ ഭാഗമായി ആശുപത്രികളെ സ്റ്റാന്ഡേര്ഡൈസ് ചെയ്തു. ജനങ്ങള്ക്ക് വേണ്ടിയാണ് സര്ക്കാര് പ്രവര്ത്തിക്കുന്നതെന്നും മന്ത്രി വീണാ ജോര്ജ് പറഞ്ഞു.
അത് തെറ്റായ കാര്യമാണ്. അത്തരക്കാര്ക്കെതിരെ അതിശക്തമായ നടപടികള് സ്വീകരിക്കുന്നതാണ്. ഇത് ഒരു തരത്തിലും അംഗീകരിക്കുകയില്ല, അനുവദിക്കുകയുമില്ല. സര്ക്കാരിന്റെ സേവനങ്ങള് ജനങ്ങള്ക്ക് ലഭ്യമാകുന്നതിന് വേണ്ടിയുള്ള യോജിച്ചുള്ള പ്രവര്ത്തനം ഉണ്ടാകണമെന്നും ഇതൊരു സന്ദേശമാണെന്നും മന്ത്രി വ്യക്തമാക്കി.