കൊച്ചി: സംസ്ഥാനത്ത് സ്വര്ണ്ണവില കുറഞ്ഞു. തുടര്ച്ചയായി മൂന്ന് ദിവസം മാറ്റമില്ലാതെ തുടര്ന്നതിന് ശേഷമാണ് ഇന്ന് സ്വര്ണ്ണവില താഴ്ന്നത്. 200 രൂപ കുറഞ്ഞ് ഒരു പവന് സ്വര്ണത്തിന്റെ വില 38,360 രൂപയായി. ഗ്രാമിന് 25 രൂപയാണ് കുറഞ്ഞത്.
4795 രൂപയാണ് ഒരു ഗ്രാം സ്വര്ണത്തിന്റെ വില. യുക്രൈന് യുദ്ധത്തെ തുടര്ന്ന് സ്വര്ണവില കുതിച്ചുയരുന്ന പ്രവണതയാണ് രണ്ടാഴ്ച മുന്പ് വരെ കണ്ടിരുന്നത്. ഒന്പതിന് ഈ മാസത്തെ ഏറ്റവും ഉയര്ന്ന നിലവാരത്തില് വരെ സ്വര്ണവില എത്തി.
also read: ആസിഡ് കുടിച്ച് കൂട്ട ആത്മഹത്യാശ്രമം; കുടുംബത്തിലെ അവസാനത്തെ ആളും മരിച്ചു
40,560 രൂപയാണ് അന്ന് രേഖപ്പെടുത്തിയത്. തുടര്ന്നുള്ള ദിവസങ്ങളില് വില കുറയുന്നതാണ് ദൃശ്യമായത്. 19ദിവസത്തിനിടെ 2200 രൂപയാണ് കുറഞ്ഞത്. വരും ദിവസങ്ങളിലും വിലയില് ചാഞ്ചാട്ടം പ്രകടിപ്പിക്കാനാണ് സാധ്യതെന്നാണ് വിപണി വിദഗ്ധരുടെ വിലയിരുത്തല്.