തൃശൂര്: ആളൊഴിഞ്ഞ പറമ്പില് യുവാവിന്റെ മൃതദേഹം കുഴിച്ചിട്ട നിലയില് കണ്ടെത്തി. തൃശൂര് ജില്ലയിലെ ചേര്പ്പ് മുത്തുള്ളിയാലിലാണ് സംഭവം. ചേര്പ്പ് സ്വദേശിയായ ബാബു ആണ് കൊല്ലപ്പെട്ടത്. സംഭവത്തില് പൊലീസ് അന്വേഷണം ആരംഭിച്ചു.
ഒരു വീടിന്റെ ആളൊഴിഞ്ഞ പറമ്പിലാണ് മൃതദേഹം കണ്ടെത്തിയത്. നാട്ടുകാരാണ് മൃതദേഹം കണ്ടത്. മൃതദേഹത്തിന്റെ കൈ പുറത്തായ നിലയിലായിരുന്നു. തുടര്ന്ന് നാട്ടുകാര് വിവരം പൊലീസിനെ അറിയിക്കുകയായിരുന്നു.
ബാബുവിനെ കാണാനില്ലെന്ന് കാണിച്ച് മാതാപിതാക്കള് രണ്ടുദിവസം മുമ്പ് പൊലീസില് പരാതി നല്കിയിരുന്നു. സംഭവത്തില് പൊലീസ് അന്വേഷണം ആരംഭിച്ചു.