കൊച്ചി: കുതിച്ചുയര്ന്ന സ്വര്ണ വില താഴേക്ക്. ഇന്ന് 320 രൂപ കുറഞ്ഞു. 37,840 രൂപയാണ് ഒരു പവന് സ്വര്ണത്തിന്റെ വില. കഴിഞ്ഞദിവസം 38,000 കടന്നിരുന്നു. ഒരു ഗ്രാം സ്വര്ണത്തിന്റെ വിലയില് 40 രൂപയുടെ കുറവാണ് രേഖപ്പെടുത്തിയത്. 4730 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ ദിവസം 800 രൂപയാണ് വര്ധിച്ചത്. സ്വര്ണവിലയെ സ്വാധീനിക്കുന്നത് യുക്രൈന്- റഷ്യ യുദ്ധം അടക്കമുള്ള ആഗോളതലത്തിലെ മാറ്റങ്ങളാണെന്ന് വിദഗ്ധര് പറയുന്നു.
also read: പോലീസ് സ്റ്റേഷനില് പൊരിഞ്ഞ അടി, ഫോണ് വലിച്ചെറിഞ്ഞ് എഎസ്ഐ, കരണത്തടിച്ച് വനിത പോലീസ്, സസ്പെന്ഷന്
സുരക്ഷിത നിക്ഷേപമെന്ന നിലയില് സ്വര്ണത്തിലേക്ക് കൂടുതല് പേര് എത്തുന്നതാണ് കഴിഞ്ഞദിവസങ്ങളില് വില ഉയരാന് ഇടയാക്കിയത് എന്നാണ് വിദഗ്ധര് പറയുന്നത്.
യുദ്ധം തുടങ്ങിയതിനു പിന്നാലെ സ്വര്ണ വില കുതിച്ചുകയറിയിരുന്നു. കഴിഞ്ഞ വ്യാഴാഴ്ച മാത്രം പവന് ആയിരം രൂപയാണ് കൂടിയത്. 37,800 രൂപ രേഖപ്പെടുത്തി കഴിഞ്ഞ മാസത്തെ ഏറ്റവും ഉയര്ന്ന നിലവാരത്തില് എത്തുകയും ചെയ്തു. പിന്നീട് സ്വര്ണവിലയില് ചാഞ്ചാട്ടമാണ് ദൃശ്യമായത്. സ്വര്ണ്ണവില വരുംദിവസങ്ങളില് കൂടിയേക്കാം.