കോഴിക്കോട്: തിരുവനന്തപുരം മേയര് ആര്യ രാജേന്ദ്രനും ബാലുശേരി എംഎല്എ കെ.എം സച്ചിന് ദേവും വിവാഹിതരാകുന്നു. ബാലസംഘം കാലം മുതലുള്ള ഇവരുടെ പരിചയമാണ് വിവാഹത്തിലേക്കെത്തിയത്. ഒരു മാസത്തിന് ശേഷമാവും വിവാഹമെന്ന് സച്ചിന്റെ പിതാവ് കെ.എം നന്ദകുമാര് പറഞ്ഞു.
നിയമസഭയിലെ ഏറ്റവും പ്രായം കുറഞ്ഞ എം.എല്.എയും, രാജ്യത്തെ ഏറ്റവും പ്രായം കുറഞ്ഞ മേയറുമാണ് വിവാഹിതരാകുന്നത്. അതേസമയം വിവാഹ തീയ്യതി പ്രഖ്യാപിച്ചിട്ടില്ല. എങ്കിലും വിവാഹക്കാര്യത്തില് ഇരുകുടുംബങ്ങളും ധാരണയായതായി നന്ദകുമാര് പറഞ്ഞു. ആര്യയും സച്ചിനും ബാലസംഘം, എസ്എഫ്ഐ പ്രവര്ത്തന കാലത്തു തന്നെ സുഹൃത്തുക്കളായിരുന്നു.
കോഴിക്കോട് നെല്ലിക്കോട് സ്വദേശിയാണ് സച്ചിന്ദേവ്. തിരുവനന്തപുരം സ്വദേശിനിയാണ് ആര്യ രാജേന്ദ്രന്. സച്ചിന് ദേവ് എസ്എഫ്ഐ സംസ്ഥാന സെക്രട്ടറിയായിരിക്കെ ഇക്കഴിഞ്ഞ നിയമസഭാ തിരഞ്ഞെടുപ്പിലായിരുന്നു ബാലുശ്ശേരിയില് നിന്ന് മത്സരിച്ച് വിജയിച്ചത്.
നിലവില് എസ്.എഫ്.ഐ അഖിലേന്ത്യാ ജോയിന്റ് സെക്രട്ടറി കൂടിയാണ്. കോഴിക്കോട് ഗവണ്മെന്റ് ആര്ട്സ് കോളേജില് നിന്നും ഇംഗ്ലീഷ് സാഹിത്യത്തില് ബിരുദവും കോഴിക്കോട് ലോ കോളേജില് നിന്നും നിയമ ബിരുദവും സച്ചിന് ദേവ് നേടിയിട്ടുണ്ട്.
21 ാം വയസ്സിലാണ് ആര്യ രാജേന്ദ്രന് തിരുവനന്തപുരം മേയര് ആകുന്നത്. തിരുവനന്തപുരം ഓള് സെയിന്റ്സ് കോളേജില് വിദ്യാര്ഥിയായിരിക്കെയാണ് ആര്യ രാജ്യത്തെ ഏറ്റവും പ്രായം കുറഞ്ഞ മേയറായി ശ്രദ്ധ നേടിയത്.