തിരുവനന്തപുരം: യുപി കേരളമായി മാറിയാല് ജനങ്ങളുടെ ജീവിത നിലവാരം ഉയരുമെന്ന് മുഖ്യമന്ത്രി പിണറായി വിജയന്. കേരളത്തിനെതിരെ മോശം പരാമര്ശം നടത്തിയ ഉത്തര് പ്രദേശ് മുഖ്യമന്ത്രി യോഗി ആദിത്യനാഥിന് ചുട്ടമറുപടിയാണ് മുഖ്യമന്ത്രി നല്കിയത്.
ട്വിറ്ററിലായിരുന്നു മുഖ്യമന്ത്രിയുടെ പ്രതികരണം.’ജനങ്ങള്ക്ക് ഏറ്റവും മികച്ച വിദ്യാഭ്യാസം, ആരോഗ്യ സേവനങ്ങള്, സാമൂഹിക ക്ഷേമം, ജീവിത നിലവാരം എന്നിവ ആസ്വദിക്കാനാവും. മതത്തിന്റെയും ജാതിയുടെയും പേരില് ആളുകള് കൊല്ലപ്പെടാത്ത ഒരു ഭിന്നതയില്ലാത്ത ഒരു സമൂഹമായി മാറും. അതാണ് യുപിയിലെ ജനങ്ങള് ആഗ്രഹിക്കുന്നത്’. എന്നും മുഖ്യമന്ത്രി ചൂണ്ടിക്കാട്ടി.
യുപി നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പിന് മുന്നോടിയായി പോസ്റ്റ് ചെയ്ത വീഡിയോയില് ആയിരുന്നു കേരളം ഉള്പ്പെടെയുള്ള പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങളെ വിമര്ശിച്ച് യോഗി ആദിത്യനാഥ് രംഗത്ത് എത്തിയത്.
ഉത്തര്പ്രദേശ് കേരളമോ കശ്മീരോ ബംഗാളോ ആവരുതെങ്കില് ബിജെപിക്ക് വോട്ട് ചെയ്യണമെന്നായിരുന്നു യോഗി ആദിത്യനാഥിന്റെ പരാമര്ശം. ഒരു തെറ്റുപറ്റിയാല് ഉത്തര്പ്രദേശ് മറ്റൊരു കാശ്മീരോ കേരളമോ ബംഗാളോ ആയിത്തീരുമെന്ന് ആദ്യഘട്ട പോളിംങ്ങ് തുടങ്ങുന്നതിന് തൊട്ടുമുന്പ് മുഖ്യമന്ത്രി യോഗി ആദിത്യനാഥ് മുന്നറിയിപ്പ് നല്കുന്നു. സംഭവത്തില് നിരവധി പേരാണ് യോഗിയെ വിമര്ശിച്ച് രംഗത്തെത്തുന്നത്.