തിരുവനന്തപുരം: മുന് മുഖ്യമന്ത്രി വിഎസ് അച്യുതാനന്ദന് കോവിഡ് സ്ഥിരീകരിച്ചു. ഇതേ തുടര്ന്ന് അദ്ദേഹത്തെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചു. അദ്ദേഹത്തിന്റെ മകനാണ് കോവിഡ് ബാധിച്ച വിവരം ഫേസ്ബുക്കിലൂടെ അറിയിച്ചത്.
മഹാമാരിയുടെ പിടിയില് പെടാതെ, ഡോക്ടര്മാരുടെ നിര്ദേശം കര്ശനമായി പാലിച്ച് വീട്ടില് കഴിച്ചുകൂട്ടിയ അച്ഛനും കോവിഡ് പോസിറ്റീവായിരിക്കുന്നുവെന്ന് അരുണ്കുമാര് ഫേസ്ബുക്കിലൂടെ അറിയിച്ചു. ആരോഗ്യനില തൃപ്തികരമാണെന്ന് ഡോക്ടര്മാര് അറിയിച്ചു.
also read: കോവിഡ് വ്യാപനം അതിരൂക്ഷം; സംസ്ഥാനത്ത് നിയന്ത്രണങ്ങള് ഇന്നുമുതല്,
വിഎസിന്റെ മകന്റെ ഫെയ്സ്ബുക്ക് കുറിപ്പ്
മഹാമാരിയുടെ പിടിയില് പെടാതെ, ഡോക്ടര്മാരുടെ നിര്ദേശം കര്ശനമായി പാലിച്ച് വീട്ടില് കഴിച്ചുകൂട്ടിയ അച്ഛനും കോവിഡ് പോസിറ്റീവായിരിക്കുന്നു. സന്ദര്ശകരെപ്പോലും അനുവദിക്കാതെ, ഒരര്ഥത്തില് ക്വാറന്റീനിലായിരുന്നു അച്ഛന്. നിര്ഭാഗ്യവശാല് അച്ഛനെ പരിചരിച്ച നഴ്സിന് കോവിഡ് പോസിറ്റീവായി.
ഇന്നലെ പരിശോധിച്ചപ്പോള് അച്ഛനും കോവിഡ് പോസിറ്റീവ്. ആരോഗ്യവിദഗ്ധരുടെ നിര്ദേശം പാലിച്ച് അച്ഛനിപ്പോള് ആശുപത്രിയിലാണ്. സുഖവിവരമന്വേഷിച്ച് നിരവധി പേര് വിളിക്കുന്നുണ്ട്. സ്നേഹാന്വേഷണങ്ങള്ക്ക് നന്ദി.