തിരുവനന്തപുരം: കേരളത്തില് ജനുവരി മാസത്തില് കോവിഡ് ബാധിതരുടെ എണ്ണം ഉയരുമെന്ന് മുന്നറിയിപ്പ്. ഒമിക്രോണ് വകഭേദത്തിനു മൂന്നു മുതല് അഞ്ച് ഇരട്ടി വരെ വ്യാപന ശേഷി ഉള്ളതിനാല് സംസ്ഥാനത്ത് അതീവ ജാഗ്രത പുലര്ത്താനും നിര്ദേശം നല്കി.
കോവിഡ് അവലോകനസമിതിയാണ് മുന്നറിയിപ്പ് നല്കിയത്. ഓക്സിജന് ഉല്പാദനശേഷിയുള്ള ആശുപത്രികളെല്ലാം ഓക്സിജന് ഉല്പാദനവും സംഭരണവും വര്ധിപ്പിക്കുന്നുവെന്ന് ജില്ലാ കലക്ടര്മാര് ഉറപ്പു വരുത്തണമെന്ന് മുഖ്യമന്ത്രി നിര്ദേശിച്ചു.
also read: കൊല്ലത്ത് വാഹനാപകടം, നാല് മത്സ്യത്തൊഴിലാളികള്ക്ക് ദാരുണാന്ത്യം, രണ്ടുപേരുടെ നില അതീവഗുരുതരം
കോവിഡ് മൂന്നാം തരംഗം ഉണ്ടായാല് വേണ്ടി വരുന്ന മരുന്നുകള്, കിടക്കകള്, സിറിഞ്ചുകള് ഉള്പ്പെടെയുള്ളവയെല്ലാം കൂടുതലായി ശേഖരിക്കും. ഒമിക്രോണ് കൂടുതലുള്ള തിരുവനന്തപുരം, എറണാകുളം ജില്ലകളില് കൂടുതല് ജനിതക ശ്രേണീകരണം നടത്താനും കലക്ടര്മാര്ക്ക് മുഖ്യമന്ത്രി നിര്ദേശം നല്കി.
സംസ്ഥാനത്ത് 98% ആളുകള് ആദ്യ ഡോസും 77% രണ്ടു ഡോസും വാക്സീന് സ്വീകരിച്ചിട്ടുണ്ട്. രണ്ടാം ഡോസ് വാക്സിനേഷന് എത്രയും വേഗം പൂര്ത്തീകരിക്കാനും മുഖ്യമന്ത്രി നിര്ദേശിച്ചു. രോഗപ്രതിരോധശേഷി വര്ധിപ്പിക്കാനുള്ള ആയുര്വ്വേദ / ഹോമിയോ മരുന്നുകള് പൊതുജനങ്ങള്ക്ക് സൗജന്യമായി വിതരണം ചെയ്യാന് ആരോഗ്യവകുപ്പ് നടപടി സ്വീകരിക്കും.