തിരുവനന്തപുരം: എസ്എസ്എല്സി, പ്ലസ്ടു, വിഎച്ച്എസ് സി പരീക്ഷാ തീയതികള് നാളെ അറിയാം. ഈ അധ്യയനവര്ഷത്തെ പരീക്ഷാ തീയതികള് നാളെ പ്രഖ്യാപിക്കുമെന്ന് വിദ്യാഭ്യാസ മന്ത്രി വി ശിവന്കുട്ടി അറിയിച്ചു. പരീക്ഷയുമായി ബന്ധപ്പെട്ട കാര്യങ്ങളും നാളെ അറിയിക്കുമെന്ന് വിദ്യാഭ്യാസ മന്ത്രി പറഞ്ഞു.
കഴിഞ്ഞ വര്ഷത്തെ പരീക്ഷ നടത്തുന്നതിനെക്കുറിച്ച് വലിയ വിമര്ശനങ്ങളാണ് ഉയര്ന്നത്. എന്നാല് പരീക്ഷ നടന്നത് കുട്ടികള്ക്ക് ഗുണമായെന്നും മന്ത്രി പറഞ്ഞു. അതേസമയം എസ്എസ്എല്സി പരീക്ഷകള്ക്ക് പാഠഭാഗങ്ങളുടെ എത്രഭാഗം ഉള്പ്പെടുത്തണമെന്നതില് ഉടന് തീരുമാനമെടുത്തേക്കും.
also read: ക്രിസ്മസ് ആഘോഷത്തിനിടെ പാമ്പ് കടിയേറ്റു, നടന് സല്മാന് ഖാന് ആശുപത്രിയില്
കഴിഞ്ഞതവണ 40 ശതമാനം പാഠഭാഗങ്ങളാണ് ഉള്പ്പെടുത്തിയിരുന്നത്. എന്നാല് ഇത്തവണ 60 ശതമാനം പാഠഭാഗം ഉള്ക്കൊള്ളിക്കണമെന്ന നിര്ദ്ദേശമാണ് നിലവില് പരിഗണനയിലുള്ളത്.