കൊച്ചി: സംസ്ഥാനത്ത് സ്വര്ണ്ണവില കുത്തനെ താഴേക്ക്. ഇന്ന് 120 രൂപയാണ് സ്വര്ണ്ണവില കുറഞ്ഞത്. ഇതോടെ ഒരു പവന് സ്വര്ണത്തിന്റെ വില 36,120 രൂപയായി. ഒരു ഗ്രാമിന് 15 രൂപയാണ് കുറഞ്ഞത്. 4515 രൂപയാണ് ഒരു ഗ്രാം സ്വര്ണത്തിന്റെ വില.
ഇന്നലെയും സ്വര്ണ്ണവില ഇടിഞ്ഞിരുന്നു. തുടര്ച്ചയായി നാലുദിവസം മാറ്റമില്ലാതെ തുടര്ന്ന സ്വര്ണവില ഇന്നലെ കുറയുകയായിരുന്നു. പവന് 36,560 രൂപ രേഖപ്പെടുത്തി ഈ മാസത്തെ ഏറ്റവും ഉയര്ന്ന നിലയില് എത്തിയ ശേഷമാണ് സ്വര്ണവില കുറഞ്ഞത്.
ഇതോടെ രണ്ടുദിവസത്തിനിടെ 440 രൂപയാണ് കുറഞ്ഞത്. ഈ മാസത്തിന്റെ തുടക്കത്തില് 35,560 രൂപയായിരുന്നു ഒരു പവന് സ്വര്ണത്തിന്റെ വില. രണ്ടാഴ്ച കൊണ്ട് പവന് ആയിരം രൂപ വര്ധിച്ച ശേഷമാണ് വില താഴ്ന്നത്. ആഗോള വിപണിയിലെ ചലനങ്ങളാണ് സ്വര്ണവിലയെ സ്വാധീനിക്കുന്നത്.
ഡോളര് ശക്തിയാര#്ജ്ജിക്കുന്നതും ഒമൈക്രോണ് ഭീതിയും ലോക സമ്പദ് വ്യവസ്ഥയെ സ്വാധീനിക്കുന്നുണ്ട്. ഇത് സ്വര്ണവിലയിലും പ്രതിഫലിക്കുന്നതായി വിദഗ്ധര് പറയുന്നു.