കോട്ടയം: പുതുപ്പള്ളിയില് ഭര്ത്താവിനെ ഭാര്യ വെട്ടിക്കൊലപ്പെടുത്തി. പുതുപ്പള്ളി പെരുംകാവ് സ്വദേശി സിജിയെയാണ് ഭാര്യ റോസന്ന ദാരുണമായി വെട്ടിക്കൊലപ്പെടുത്തിയത്. ഇന്ന് പുലര്ച്ചെയോടെയാണ് ദാരുണമായ കൊലപാതകം നടന്നത്. റോസന്നയ്ക്ക് മാനസിക പ്രശ്നങ്ങളുണ്ടെന്ന് ബന്ധുക്കളും അയല്ക്കാരും പറയുന്നു.
കൊലപാതകം നടത്തിയ ശേഷം ഇവര് കുട്ടിയേയും കൊണ്ട് വീടുവിട്ടുപോയത് ആശങ്കയ്ക്ക് വഴിവെച്ചിട്ടുണ്ട്. പുലര്ച്ചെ നടന്ന സംഭവം ഏറെ വൈകിയാണ് പുറത്തറിഞ്ഞത്. രാവിലെ വീട് പൂട്ടിക്കിടക്കുന്നത് കണ്ട അയല്വാസികള് സംശയം തോന്നിയാണ് അകത്ത് പ്രവേശിച്ച് പരിശോധിച്ചത്. തുടര്ന്നാണ് രക്തത്തില് കുളിച്ച് കിടക്കുന്ന സിജിയെ കണ്ടത്.
കോട്ടയം ഈസ്റ്റ് പോലീസ് സ്ഥലത്തെത്തി ഇന്ക്വസ്റ്റ് നടപടികള് ഉള്പ്പെടെ പൂര്ത്തിയാക്കി. വീടുവിട്ടുപോയ റോസന്നയെ കണ്ടെത്താനുള്ള ശ്രമം നടത്തി വരികയാണ്. മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രിയിലേക്ക് മാറ്റും.