തൊടുപുഴ: ഇടുക്കി ഡാം വീണ്ടും തുറക്കുമ്പോള്, ജനങ്ങള് ആശങ്കപ്പെടേണ്ട സാഹചര്യമില്ലെന്ന് സര്ക്കാര് അറിയിച്ചു. ഇന്ന് പതിനൊന്ന് മണിയോടെയാണ് തുറക്കുക. ഇടുക്കി പദ്ധതിയിലെ ചെറുതോണി ഡാമിന്റെ മൂന്ന് ഷട്ടറുകള് 35 സെന്റീമീറ്റര് വീതമാകും ഉയര്ത്തുക.
ഇലക്ട്രിക് മോട്ടറിലാണ് ചെറുതോണി അണക്കെട്ടിന്റെ ഷട്ടറുകള് പ്രവര്ത്തിക്കുന്നത്. സ്വിച്ച് ഓണ് ചെയ്യുമ്പോള് കറങ്ങുന്ന മോട്ടറിനൊപ്പം ഗിയര് സംവിധാനം പ്രവര്ത്തിച്ചുതുടങ്ങും. ചക്രങ്ങളില് കറങ്ങുന്ന ഗിയറില് ഘടിപ്പിച്ച ഉരുക്കു വടങ്ങള് ഷട്ടര് ഗേറ്റുകളുമായി ബന്ധിപ്പിച്ചിരിക്കുന്നു. 2018ല് 50 സെന്റിമീറ്റര് ഷട്ടര് ഉയര്ത്തുന്നതിനു രണ്ടു മിനിറ്റ് മാത്രമാണ് വേണ്ടിവന്നത്.
അതേസമയം, നിയന്ത്രിതമായ അളവിലായിരിക്കും വെള്ളം പുറത്തേക്ക് ഒഴുക്കി കളയുകയെന്ന് ജലവിഭവമന്ത്രി റോഷി അഗസ്റ്റിന് പറഞ്ഞു. ഷട്ടറുകള് എപ്പോള് അടയ്ക്കണമെന്ന് തീരുമാനിച്ചിട്ടില്ല. ജനങ്ങള് ജാഗ്രത പാലിക്കണമെന്നും മന്ത്രി ആവശ്യപ്പെട്ടു.
ഡാം തുറക്കുന്നത് പരിഗണിച്ച് സര്ക്കാരിന്റെ നിര്ദേശങ്ങളോട് ജനങ്ങള് സഹകരിക്കണമെന്ന് റവന്യൂമന്ത്രി കെ രാജന് അഭ്യര്ത്ഥിച്ചു. അപകടമേഖലകളിലുള്ള ജനങ്ങള്] ക്യാമ്പുകളിലേക്ക് മാറാന് തയ്യാറാകണം. അല്ലാത്തവരെ അറസ്റ്റ് ചെയ്ത് മാറ്റേണ്ടി വരുമെന്നും മന്ത്രി രാജന് വ്യക്തമാക്കി.