ഓച്ചിറ: പൊറോട്ട തൊണ്ടയില് കുടുങ്ങി മത്സ്യത്തൊഴിലാളിക്ക് ദാരുണാന്ത്യം. ക്ലാപ്പന വരവിള മൂര്ത്തിയേടത്ത് തെക്കതില് ഹരീഷ് ആണ് മരിച്ചത്. നാല്പ്പത്തിയഞ്ച് വയസ്സായിരുന്നു. ചൊവ്വാഴ്ച രാത്രി 9നായിരുന്നു സംഭവം. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഹരീഷ് വരവിള ഗവ:എല്പി സ്കൂളില് സമീപത്തെ ബന്ധു വീട്ടിലെത്തി ഹോട്ടലില്നിന്നു വാങ്ങിയ പൊറോട്ട കഴിച്ചു. രണ്ടാമത്തെ പൊറോട്ട പകുതി കഴിക്കുന്നതിനിടയില് തൊണ്ടയില് കുടുങ്ങുകയായിരുന്നു. പിന്നാലെ ശ്വാസം കിട്ടാതെ കുഴഞ്ഞു വീണു.
ബന്ധുക്കള് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പാരിപ്പള്ളി മെഡിക്കല് കോളജ് ആശുപത്രിയില് പോസ്റ്റ്മോര്ട്ടം നടത്തിയ ശേഷം ഇന്നലെ വൈകിട്ട് വീട്ടുവളപ്പില് സംസ്കരിച്ചു. ഓച്ചിറ പൊലീസ് കേസെടുത്തു. ഭാര്യ: ശ്രീലത. മക്കള്: ഹരിത,ഹരി ജിത്ത്.