തിരുവനന്തപുരം: പോലീസുകാരന് വാഹനാപകടത്തില് മരിച്ചു. നെയ്യാറ്റിന്കര പരശുവയ്ക്കല് സ്വദേശിയായ സുരേഷ് കുമാര് ആണ് മരിച്ചത്. അമ്പത്തിയഞ്ച് വയസ്സായിരുന്നു. ഡ്യൂട്ടി കഴിഞ്ഞ് തന്റെ ബൈക്കില് വീട്ടിലേക്ക് മടങ്ങുന്നതിനിടെയാണ് സബ് ഇന്സ്പെക്ടര് അപകടത്തില്പ്പെട്ടത്.
ആറാലുമൂട്ടില് വച്ച് സുരേഷ് സഞ്ചരിച്ചിരുന്ന ബൈക്കും ലോറിയും തമ്മില് കൂട്ടിയിടിക്കുകയായിരുന്നു. സംഭവ സ്ഥലത്തു വച്ചു തന്നെ സുരേഷ് മരിച്ചു. തിരുവനന്തപുരം സിറ്റി ക്രൈംബ്രാഞ്ചില് എസ്ഐ ആയിരുന്നു സുരേഷ്. മൃതദേഹം ഇന്ന് സംസ്കരിക്കും.