തിരുവനന്തപുരം; സംസ്ഥാനത്ത് കോവിഡ് നിയന്ത്രണങ്ങളില് കൂടുതല് ഇളവുകള് വരുമോ എന്ന കാര്യത്തില് തീരുമാനം ഇന്ന്. മുഖ്യമന്ത്രി പിണറായി വിജയന്റെ അധ്യക്ഷതയില് ചേരുന്ന കോവിഡ് അവലോകനയോഗത്തിലായിരിക്കും തീരുമാനമുണ്ടാവുക.
ഇന്ന് ഉച്ചകഴിഞ്ഞ് 3 മണിക്കാണ് യോഗം. ഇന്നത്തെ യോഗത്തില് ഹോട്ടലുകളില് ഇരുന്ന് ഭക്ഷണം കഴിക്കാന് അനുവദിക്കണമെന്ന ആവശ്യത്തില് തീരുമാനമുണ്ടായേക്കും. ബാറുകളില് ഇരുന്ന് മദ്യപിക്കാന് അനുവദിക്കണമെന്ന ബാറുടമകളുടെ ആവശ്യവും സര്ക്കാരിന് മുന്നിലുണ്ട്.
അതേസമയം, തീയറ്ററുകള് ഉടന് തുറക്കാന് സാധ്യതയില്ല. സ്കൂളുകള് തുറക്കാന് തീരുമാനിച്ച സാഹചര്യത്തില് പാലിക്കേണ്ട മാര്ഗരേഖയിലും തീരുമാനമെടുത്തേക്കും. ടെസ്റ്റ് പോസിറ്റിവിറ്റി നിരക്ക് ഉയര്ന്നു നില്ക്കുന്ന സാഹചര്യം കൂടി പരിഗണിച്ച ശേഷം ഇളവുകളുടെ കാര്യത്തില് തീരുമാനമുണ്ടാകൂ.