മലപ്പുറം: മലപ്പുറത്ത് വിദ്യാര്ഥിനിയെ വീട്ടില് ജീവനൊടുക്കിയ നിലയില് കണ്ടെത്തി. വേങ്ങരയിലാണ് സംഭവം. മുരുകന്-ശ്രീദേവി ദമ്പതികളുടെ മകള് അനികയെയാണ് മരിച്ച നിലയില് കണ്ടെത്തിയത്. വീട്ടിലെ മുറിയില് തൂങ്ങിമരിച്ച നിലയിലാണ് അനികയെ കണ്ടെത്തിയത്.
ജോലിക്കു പോയ വീട്ടുകാര് വീട്ടില് തിരിച്ചെത്തിയപ്പോഴാണ് വീടിനുള്ളില് അനികയെ തൂങ്ങിയ നിലയില് കണ്ടെത്തിയത്. തമിഴ്നാട് സ്വദേശികളായ അനികയുടെ കുടുംബം ഒരുപാട് വര്ഷങ്ങളായി കണ്ണമംഗലം വട്ടപ്പൊന്തയിലാണ് താമസം. ചെറുപ്പത്തില് പിതാവ് ഉപേക്ഷിച്ചുപോയ ശേഷം അമ്മയുടെയും മറ്റു ബന്ധുക്കളുടെയും സംരക്ഷണത്തിലായിരുന്നു അനിക താമസിച്ചിരുന്നത്.
ജോലിക്ക് പോയ അമ്മ വീട്ടിലെത്തിയപ്പോള് മുറിയില് തൂങ്ങിയ നിലയിലാണ് അനികയെ കണ്ടത്. അയല്വാസികളുടെ സഹായത്തോടെ കുട്ടിയെ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. കുറ്റൂര് നോര്ത്ത് കെ.എം.എച്ച്.എസ് സ്കൂള് ഹ്യുമാനിറ്റീസ് രണ്ടാം വര്ഷ വിദ്യാര്ഥിനിയാണ് അനിക.