തിരുവനന്തപുരം: പൂജപ്പുര സെന്ട്രല് ജയിലില് നിന്ന് കൊലക്കേസ് പ്രതി ജയില് ചാടി. തമിഴ്നാട് തൂത്തുക്കുടി സ്വദേശി ജാഹിര് ഹുസൈനാണ് (48) രക്ഷപ്പെട്ടത്. 2017 ല് ഒരു കൊലക്കേസുമായി ബന്ധപ്പെട്ട് ജീവപര്യന്തം തടവിന് ശിക്ഷിക്കപ്പെട്ടയാളാണ് ജാഹിര് ഹുസൈന്. ചൊവ്വാഴ്ച രാവിലെയോടെയായിരുന്നു സംഭവം.
ഒമ്പത് മണിയോടെയാണ് ജാഹിര് ഹുസൈന് ചാടിയ വിവരം ജയില് അധികൃതര് അറിയുന്നത്. ജയില് ചുറ്റുമതിലിനോട് ചേര്ന്ന അലക്ക് യന്ത്രത്തിലായിരുന്നു ഇയാള് ജോലി ചെയ്ത് വന്നിരുന്നത്. ഇതിനിടയിലാണ് ജയില് നിന്ന് ഇയാള് ചാടിയത്.
ഇയാള്ക്കായി വ്യാപകമായി തെരച്ചില് നടത്തി വരികയാണ്. തമിഴ്നാട് അതിര്ത്തി പ്രദേശങ്ങളിലും തിരച്ചില് നടക്കുന്നുണ്ട്. അതേസമയം തന്നെ ജാഹിര് ഹുസൈന് മുമ്പ് ഇത്തരത്തില് ഒരു ദൗത്യത്തിന് തുനിഞ്ഞിട്ടില്ലെന്നും ജയില് അധികൃതര് വ്യക്തമാക്കുന്നു.