തൃശൂര്: കനത്ത മഴയില് ജലനിരപ്പ് വീണ്ടും ഉയര്ന്നതിനെ തുടര്ന്ന് തൃശൂര് പീച്ചി ഡാമിന്റെ ഷട്ടര് ഉയര്ത്തി. അതേസമയം, ഡാമുകളെല്ലാം സുരക്ഷിതമാണെന്നാണ് വൈദ്യുത മന്ത്രി എംഎം മണി അറിയിച്ചത്. ജലനിരപ്പ് ഉയര്ന്നതിനെ തുടര്ന്ന് മുപ്പത് വര്ഷത്തിന് ശേഷം ചുള്ളിയാര് അണക്കെട്ടിന്റെ ഷട്ടറും തുറന്നു.
ഇടുക്കി മാട്ടുപ്പെട്ടി അണക്കെട്ടിന്റെ രണ്ടാമത്തെ ഷട്ടര് ഇന്ന് തുറന്നിരുന്നു. അണക്കെട്ടിലെ ജലനിരപ്പ് 1599 അടിയായി ഉയര്ന്നതോടെയാണ് ഷട്ടര് തുറക്കാന് തീരുമാനിച്ചത്. അണക്കെട്ടിന്റെ പരമാവധി സംഭരണ ശേഷി 1599.59 അടിയാണ്. പ്രദേശവാസികള് ജാഗ്രത പുലര്ത്തണമെന്നാണ് ജില്ലാ ഭരണകൂടം അറിയിച്ചിരിക്കുന്നത്