പുനലൂര്: 22കാരിയെ വീട്ടില് തൂങ്ങിമരിച്ച നിലയില് കണ്ടെത്തി. തിരുവനന്തപുരം ചെമ്പഴന്തി എസ്എന് കോളജിലെ എംഎ അവസാന വര്ഷ വിദ്യാര്ഥിനി ആതിര(22) ആണ് മരിച്ചത്. ശനിയാഴ്ച വൈകിട്ട് മൂന്നോടെയാണ് ആതിരയെ മരിച്ച നിലയില് കണ്ടെത്തിയത്.
കരവാളൂര് പഞ്ചായത്ത് വെഞ്ചേമ്പ് വേലംകോണം സരസ്വതി വിലാസത്തില് ഉത്തമന്റെയും സരസ്വതിയുടെയും മകളാണ് ആതിര. തൊഴിലുറപ്പ് ജോലിക്കായി പോയ അമ്മ തിരികെ വന്നു വാതിലില് മുട്ടിയപ്പോള് അടഞ്ഞുകിടക്കുന്ന നിലയിലാണ് കണ്ടത്.
എത്ര വിളിച്ചിട്ടും മകള് വാതില് തുറക്കാതെ വന്നതോടെ വാതില് തള്ളിത്തുറന്ന് അകത്തു കയറിയപ്പോഴാണ് മകള് ഫാനില് കെട്ടിത്തൂങ്ങിയ നിലയില് ആതിരയെ കണ്ടത്. വീട്ടുകാരുടെ നിലവിളി കേട്ട് ഓടിക്കൂടിയ നാട്ടുകാരാണ് ആതിരയെ ആശുപത്രിയിലെത്തിച്ചത്.
ആതിരയെ പുനലൂര് താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല. മരണകാരണം വ്യക്തമല്ലെന്നും അന്വേഷണം ആരംഭിച്ചെന്നും പുനലൂര് പൊലീസ് അറിയിച്ചു. മരണത്തിന് മുന്പ് ആതിര എഴുതിയ കുറിപ്പ് പൊലീസിന് കിട്ടിയെന്നാണ് വിവരം.